شىمكەنت قالاسىنىڭ اباي اۋدانىندا بيىل جول-قۇرىلىس جۇمىستارى كەستەگە ساي جۇرگىزىلۋدە.
اۋدان اكىمدىگىنىڭ مالىمەتىنشە، جالپى جوبا قۇنى 17,7 ملرد. تەڭگەنى قۇرايتىن 99 كوشەگە 8,2 ملرد. تەڭگە قارجى ءبولىنىپ (9,5 ملرد. تەڭگەسى 2021 جىلعا), اسفالت جول سالۋ جۇمىستارى اتقارىلۋدا. اتاپ ايتقاندا، 30 كوشەدە ورتاشا جوندەۋ، شالعاي ەلدىمەكەندەردەگى 20 كوشە جانە ىشكى ورامدىق 29 كوشەدە قۇرىلىس جۇمىستارى قولعا الىنعان.
اۋدان اۋماعىندا جالپى 89,6 شاقىرىم اياقجول بولسا، 2020 جىلى الەۋمەتتىك نىساندارعا باراتىن ورتالىق 5 كوشەگە 8,1 شاقىرىمعا اياقجول سالىندى.
اۋداندا 71,2 شاقىرىمدىق 146 كوشە شاعال تاس توسەۋدى قاجەت ەتەدى. 2020 جىلى بيۋدجەتتەن 100,0 ملن.تەڭگە ءبولىنىپ، 49 توپىراق كوشەنىڭ 26,7 شاقىرىمىنا شاعال تاس توسەۋ جۇمىستارى تولىعىمەن ورىندالدى. 2021 جىلعا قوسىمشا 44,5 شاقىرىم شاعال تاس توسەۋ جوسپارلانۋدا.
سونداي-اق، اۋدان اۋماعىنداعى 125,8 شاقىرىمدىق 55 كوشە جارىقتاندىرىلعان. 2020 جىلعا الەۋمەتتىك نىساندار ورنالاسقان 13 كوشەگە جوبا قۇنى 342,3 ملن.تەڭگە قارجى ءبولىندى. بۇگىندە جارىقتاندىرۋ جۇمىستارى جۇرگىزىلۋدە.
سونىمەن بىرگە، اۋدان اۋماعىنداعى ەلدى مەكەندەر مەن شاعىن اۋدانداردا 153 كوشەنى جارىقتاندىرۋ قاجەت. ونىڭ 75-نە قالالىق ەنەرگەتيكا جانە كوممۋنالدىق شارۋاشىلىق باسقارماسىنا ۇسىنىس جولدانىپ، بۇگىنگى تاڭدا مەملەكەتتىك-جەكەشەلىك ارىپتەستىك اياسىندا قۇرىلىس جۇمىستارىن جۇرگىزۋ جوسپارلانۋدا.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
