شىمكەنتتە قالانى جاسىل جەلەككە بولەۋ باعىتىنداعى جۇمىستار تۇراقتى تۇردە جۇرگىزىلىپ كەلەدى. قالالىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتى بويىنشا، شىمكەنتتە 976 گەكتار جاسىل القاپتى ورمان ورتىنەن قورعاۋ ماقساتىندا 300 شاقىرىمدىق مينەرالدى جولاق جۇرگىزىلگەن. سونداي»-اق، 250 گەكتار جەرگە ورمان-پاتولوگيالىق تەكسەرۋ جۇرگىزىلدى.
مۇنان بولەك 60 گەكتار جاسىل القاپتا اعاشتار بۇرالىپ، كەسىلگەن شىرپىلار قالا سىرتىنا شىعارىلعان. تاعى 20 گەكتار جاسىل القاپتى سۋارۋ ءۇشىن ارىق-اتىزدار تارتىلىپ، 25 گەكتار جەردە كوشەتتەردىڭ اراسى قوپسىتىلىپ، ارام شوپتەن تازارتىلعان. وعان قوسا 396 گەكتار جەر ۋچاسكەسى جىرتىلىپ، اعاش ەگۋگە جەر دايىندالدى.
سونىمەن قاتار «بادام ورمان جانە جانۋارلار دۇنيەسىن قورعاۋ جونىندەگى» مەكەمەسىنە قاراستى ورمان تۇقىمباعىندا ەگىلگەن اعاش-كوشەتتەرىنە كۇتىپ باپتالۋدا. تۇقىمباقتا بۇگىنگى كۇنگە دەيىن 0,3 گەكتار جەرگە – 500 كەلى ەمەن تۇقىمى، 0,5 گا جەرگە – 80 كەلى قاراعاش تۇقىمى سەبىلگەن. مۇنان بولەك ورىك، شابدالى، شيە، الما جانە المۇرت، قارا ورىك، بادام، تاۋ پىستەسى، سۋماح، كاتالپا، گلەديچيا جانە بوز ارشا تۇقىمدارى جينالعان.
شىمكەنت قالاسى اكىمدىگىنىڭ ءباسپاسوز قىزمەتى
