ىشكى ىستەر مينيسترلىگى ونلاين بريفينگ وتكىزىپ، جازاسىن وتەۋشىلەر تۋرالى مالىمەت بەردى، دەپ حابارلايدى "ادىرنا" ءتىلشىسى.
قازىرگى كەزدە قازاقتانداعى تۇرمەلەردە 30 مىڭ ادام جاتىر. اتاپ ايتقاندا، 66 كولونيادا 25 مىڭداي قىلمىسكەر، 16 تەرگەۋ يزولياتورىندا 5 مىڭنان استام ادام بار. تۇرمەدەگى ادامداردىڭ سانى جونىنەن الەمدە 100-ءشى ورىندامىز. 18 جىل بۇرىن اقش پەن رەسەيدەن كەيىن كەيىنگى قاتاردا تۇردىق. قىلمىستىق ساياساتتى ىزگىلەندىرۋ جۇمىسىنىڭ ارقاسىندا سوڭعى توعىز جىل ىشىندە 57 مىڭنان 30 مىڭعا دەيىن ازايدى.
سوتتالعان ادامداردى بەيىمدەۋ جۇمىستارى جۇرگىزىلىپ، تۇرمىستىق، قۇقىقتىق جانە مەديتسينالىق، پسيحولوگيالىق كومەك كورسەتىلەدى. تۇزەتۋ مەكەمەلەرىندەگى ورتا جانە كاسىبي ءبىلىم بەرەتىن 50 مەكتەپتەن جىل سايىن 2000 مىڭداي ادام ءبىلىم الىپ شىعادى. دەنساۋلىقتارىن قاداعالاپ تۇراتىن 15 مەديتسينالىق پۋنكت، ءبىر پسيحولوگيالىق جانە تۋبەركۋلەزگە قارسى 3 ورتالىق بار. بارلىق ادام جىل سايىن تەكسەرىلىپ وتىرادى.
جازاسىن وتەۋشىلەر ەڭبەكپەن دە قامتىلىپ جاتىر. كاسىپورىنداردا قۇرىلىس ماتەريالدارىن، اعاش، تەمىر جانە پلاستيك ونىمدەرىن شىعارۋمەن انالىسادى. ەت، ءسۇت جانە نان ونىمدەرىمەن اينالىساتىندار دا بار،" - دەدى قىلمىستىق-اتقارۋ جۇيەسى كوميتەتىنىڭ توراعاسى جانات ەشماعامبەتوۆ.
