بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن ءباسپاسوز بريفينگىندە شىمكەنت قالالىق تسيفرلاندىرۋ باسقارماسى باسشىسىنىڭ مىندەتىن اتقارۋشىسى دوسان الىبەكوۆ مالىمدەدى.
– وسى جىلدىڭ وقۋ ماۋسىمىندا بالالاردىڭ ونلاين رەجيمدە ساباق الۋىن قامتاماسىز ەتۋ ءۇشىن قالاداعى بارلىق ءبىلىم بەرۋ ۇيىمدارى جوعارى جىلدامدىقتى ينتەرنەتپەن قامتاماسىز ەتىلۋدە. بۇل باعىتتاعى جۇمىستاردى كۇشەيتۋ ماقساتىندا قالا اۋماعى بويىنشا 11 بازالىق ستانتسيا ورناتۋ ورىندارى ايقىندالىپ، بۇگىندە ءتيىستى جەر تەلىمدەرىنىڭ كوورديناتالارى بەلگىلەندى جانە مەملەكەتتىك اكتىلەرى راسىمدەلدى. ياعني، كەلەسى اپتانىڭ سوڭىنا دەيىن نىساننىڭ جۇمىسى تولىق ىسكە قوسىلادى. سونىمەن قاتار، قوسىمشا 43 ورىن بويىنشا تالداۋ جۇمىستارى جۇرگىزىلۋدە. اتالعان قوسىمشا نىساندارعا قىركۇيەك-قازان ايلارىندا بازالىق ستانتسيالار ورناتىلادى نەمەسە بەلگىلەنگەن تارتىپتەردەگى مودەرنيزاتسيالاۋ جۇمىستارى جۇرگىزىلەدى، – دەدى د.الىبەكوۆ.
دوسان بينازارۇلىنىڭ سوزىنە سۇيەنسەك، شىمكەنت قالاسى ساپالى ينتەرنەت جۇيەسىمەن 80 پايىزعا قامتىلعان. ال ورناتىلىپ جاتقان بازالىق ستانتسيالاردىڭ جۇمىسى اياقتالعان ساتتە بۇل كورسەتكىش 100 پايىزعا جەتەدى. ناتيجەسىندە، قالا اۋماعىنا قوسىلعان ەلدىمەكەندەردەگى ينتەرنەت جەلىسىنىڭ ماسەلەسى تولىق شەشىلەدى.
ايتا كەتەيىك، قالادا AR-shymkent, 2-گيس جانە ترۋ-كونف جوبالارى ىسكە اسۋدا.
شىمكەنت اقپاراتتىق-كوممۋنيكاتسيالىق ورتالىعى
فوتو – بەرەكە سەيىتجاپپار
