پرەزيدەنتىمىز ق.توقاەۆ بيىلعى جىلدى «ۆولونتەر جىلى» دەپ اتاعان بولاتىن. وسىعان وراي، شىمكەنت قالاسىنىڭ اكىمى مۇرات ايتەنوۆ پاندەميامەن كۇرەستە بەلسەندى اتسالىسىپ جۇرگەن ەرىكتىلەر مەن قوعامدىق قوزعالىستاردىڭ وكىلدەرىمەن كەزدەستى.
كەزدەسۋگە قالادا ءوز بەلسەندىلىگىمەن كوزگە ءتۇسىپ جۇرگەن ۇيىم جەتەكشىلەرى قاتىستى. اتاپ ايتقاندا، «ASAA» جاستار قوعامدىق بىرلەستىگىنىڭ ءتورايىمى دانارا سارانوۆا، «ىزگىلىكتە جارىسايىق» قايىرىمدىلىق قورىنىڭ پرەزيدەنتى مۇحتار تاشيموۆ، «بىزبەن بىرگە» ۆولونتەرلىك قوزعالىسىنىڭ جەتەكشىسى جاسمين ءاشىموۆا، «ۆولونتەرى شىمكەنتا» ۆولونتەرلىك قوزعالىسىنىڭ جەتەكشىسى گۋزال اۋەلبەكوۆا. ۆولونتەرلەر قالا باسشىسىمەن كەزدەسۋدە وزەكتى ماسەلەلەردى تالقىلاپ، ءوز ۇسىنىستارىن جەتكىزدى. ءوز كەزەگىندە مۇرات ايتەنوۆ ەرىكتىلەرگە قالا تۇرعىندارىنا كورسەتكەن قولداۋى مەن كومەگى ءۇشىن العىسىن ءبىلدىردى.
«وزدەرىڭىز بىلەتىندەي، ەلىمىزدە ەنگىزىلگەن توتەنشە جاعدايعا بايلانىستى قالامىزدىڭ ەرىكتىلەرى جۇقپالى ۆيرۋسپەن كۇرەسكە بەلسەندى قاتىسۋدا. وسى مۇمكىندىكتى پايدالانا وتىرىپ، ءوز اتىمنان جانە قالا تۇرعىندارىنىڭ اتىنان بارلىق ەرىكتىلەرگە شىن جۇرەكتەن العىسىمدى بىلدىرگىم كەلەدى. دەنساۋلىقتارىڭىزعا تونگەن قاۋىپكە قاراماي، مۇقتاج وتباسىلارعا ازىق-تۇلىك تاسىمالداۋمەن، جەكەمەنشىك مەديتسينالىق مەكەمەلەرگە وتتەگى باللوندارىن قۇيۋعا كومەكتەسىپ، قارتتارعا قاجەتتى ءدارى-دارمەكتەردى جەتكىزۋدە بارىنشا كومەك كورسەتتىڭىزدەر. بۇگىنگى تاڭدا ءاربىر ازامات قاۋىپسىزدىك ەرەجەلەرى مەن سانيتارلىق-ەپيدەميالوگيالىق تالاپتاردى قاتاڭ ساقتاپ، كوروناۆيرۋستىڭ تارالۋىن توقتاتۋعا ايتارلىقتاي ۇلەس قوسا الاتىندىعىن اتاپ وتكىم كەلەدى. وكىنىشكە وراي، پاندەميا – بۇل كورىنبەيتىن جاۋ. سوندىقتان مەن، سىزدەردىڭ ارقايسىڭىزدى ءوزىڭىزدى جانە جاقىندارىڭىزدى ىندەتتەن قورعاۋعا شاقىرامىن»، - دەدى اكىم.
«ASAA» جاستار قوعامدىق بىرلەستىگىنىڭ ءتورايىمى دانارا سارانوۆا سوڭعى اپتادا كومەك كورسەتۋگە نيەت بىلدىرگەن بەلسەندىلەر سانى كوبەيگەنىن جانە قازىر ولار ۆولونتەرلىك جۇمىسقا كىرىسپەس بۇرىن قاجەتتى وقۋدان ءوتىپ جاتقانىن مالىمدەدى. ايتۋىنشا، پاندەميامەن كۇرەستە بىرلەسكەن جانە ناتيجەلى جۇمىس جاساۋ ءۇشىن ەرىكتىلەردەن قۇرالعان ءتۇرلى قوزعالىستاردى بىرىكتىرۋدى ۇسىندى. سونىمەن قاتار، ول ءارتۇرلى باعىتتار بويىنشا ودان ءارى جۇمىس ىستەۋ ءۇشىن باسقا ەلدەردىڭ ەرىكتىلەرىمەن تاجىريبە الماسۋ جانە وقىتۋ قاجەتتىلىگى تۋرالى ايتىپ ءوتتى.
سونداي-اق، الماتىدان كەلگەن رەسپۋبليكالىق شتابتىڭ مونيتورينگتىك توبىنىڭ قوعامدىق ۇيلەستىرۋشىسى سايدا تاۋكەلەۆا جەرگىلىكتى اتقارۋشى ورگاندار مەن ۆولونتەرلار اراسىندا ءوزارا ءىس-قيمىل جاساۋ الگوريتمىن ازىرلەۋ بويىنشا ۇسىنىس ءبىلدىردى.
ال "Nur Otan" پارتياسى شىمكەنت قالالىق «Jas Otan» جاستار قاناتىنىڭ توراعاسى ارمان الىبەكوۆتىڭ ايتۋىنشا، پاندەميا باستالعالى بەرى ۆولونتەرلەر 3500 وتباسىعا ازىق تۇلىك جەتكىزىن، ميلليون بەتپەردە تاراتقان. ياعني، بىرقاتار ۆولونتەرلىك توپتار جۇمىستى دۇرىس ۇيلەستىرىپ جاتىر ەكەن. الايدا ءالى دە بولسا جۇمىستى شيراتاتىن جاعدايلار بار. رەسمي تىركەلگەنىمەن دۇرىس جۇمىس ىستەمەيتىن توپتار دا كەزدەسەتىنىن باياندادى.
كەزدەسۋدە ەرىكتىلەر مەگاپوليستە جاستارعا ارنالعان ورىندار سانىن كوبەيتۋدى، سونداي-اق ۆولونتەرلىك ۇيىمدار بىرىگەتىن ورتالىق قۇرۋدى ۇسىندى. مۇرات دۇيسەنبەكۇلى بولسا، ۆولونتەرلىك قوزعالىس جەتەكشىلەرىنىڭ ۇسىنىستارىن تىڭداپ، بۇل باعىتتاعى ماسەلەلەر ءوز شەشىمىن تاباتىنىن اتاپ ءوتتى.
- جاستار باس قوساتىن ورىنداردى اشۋ جۇمىستارى جۇرگىزىلۋدە. كارانتين اياقتالعاننان كەيىن رەسمي تۇردە پايدالانۋعا بەرەمىز. الداعى ۋاقىتتا بۇرىنعى فوسفورشىلار مادەنيەت سارايىن قالپىنا كەلتىرسەك دەپ وتىرمىز. بۇل رەتتە بىرقاتار جوسپارلار بار. جاستارعا سپورتپەن شۇعىلداناتىن ۇيىرمەلەر دە كوپتەپ كەرەك، – دەدى قالا اكىمى.
ايتا كەتۋ قاجەت، ەرىكتىلەرمەن كەزەكتى كەزدەسۋ سوڭىندا قالا اكىمى ۆولونتەرلەردى پاندەميامەن كۇرەسۋگە جانە تۋىنداعان ماسەلەلەردى بىرلەسىپ شەشۋگە شاقىردى.
شىمكەنت قالاسى اكىمىنىڭ ءباسپاسوز قىزمەتى
