«شىمكەنت 2020-تمد-نىڭ مادەني استاناسى» جىلى اياسىندا 2020 جىلدىڭ 15-31 قازان ارالىعىندا تمد-عا مۇشە مەملەكەتتەر اراسىندا وپەرا ورىنداۋشىلارىنىڭ «دوستاستىقتىڭ وپەرا جۇلدىزدارى» اتتى ونلاين فەستيۆالى وتەدى.
فەستيۆال - تمد ەلدەرى اراسىندا مادەني ىنتىماقتاستىق اۋقىمىن كەڭەيتىپ، جاڭا شىعارماشىلىق بايلانىستار ورناتۋ، كلاسسيكالىق مۋزىكانىڭ بيىك شىڭى سانالاتىن وپەرا ونەرىن الەۋمەتتىك جەلى تىڭداۋشىلارى اراسىندا ناسيحاتتاۋ، جاستار اراسىندا كلاسسيكالىق مۋزىكانى كەڭىنەن تانىتۋ، قازاقتىڭ ۇلى اقىنى اباي قۇنانبايۇلىنىڭ 175 جىلدىق مەرەيتويىنا وراي اندەرىن كەڭىنەن تاراتۋ ماقساتىندا وتىلمەك.
شىمكەنت قالالىق وپەرا جانە بالەت تەاترىنىڭ ۇيىمداستىرۋىمەن قولعا الىنعان فەستيۆالگە تمد ەلدەرىنەن جانە قازاقستاندىق كەز-كەلگەن وپەرا ورىنداۋشىلارى ونلاين فورماتتا ءوز بەينە تۇسىرىلىمدەرىن جولداۋ ارقىلى قاتىسا الادى.
شىمكەنت قالاسى اكىمىنىڭ ءباسپاسوز قىزمەتى
