بۇل تۋرالى شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان ءوزىنىڭ الەۋمەتتىك جەلىدەگى پاراقشاسىندا حابارلادى.
- بارلىق ءبىلىم بەرۋ ۇيىمدارى ينتەرنەتكە قوسىلعان. وعان 235,9 ميلليون تەڭگە ءبولىندى. «قازاقتەلەكوم» اق-مەن ينتەرنەت جىلدامدىعىن سەكۋندىنا 8-دەن 12 مەگابايتقا دەيىن ارتتىرۋ تۋرالى كەلىسىمشارت جاسايتىن بولامىز. 18 461 وتباسىدان 31 798 بالا ينتەرنەت-بايلانىسىنا مۇقتاج. ونىڭ ىشىندە 17 701 وتباسىعا «Bilim al» ترافيگى قوسىلعان SIM-كارتالار بەرىلدى، ال 760 وتباسىنىڭ ۇيلەرىنە كابەلدىك ينتەرنەت جۇرگىزىلدى، - دەدى ول.
ايتا ءوتۋ كەرەك، ءۇشىنشى مەگاپوليستە 224 618 بالا قاشىقتىقتان وقىپ جاتىر. ولاردى تەحنيكامەن قامتاماسىز ەتۋ ماقساتىندا بۇگىنگى تاڭعا دەيىن 33 840 كومپيۋتەر بەرىلدى. وقۋشىلار قاجەتتىلىگى ءۇشىن كومپيۋتەر تاراتۋ ءالى دە جالعاسۋ ۇستىندە.
شىمكەنت قالاسى اكىمىنىڭ ءباسپاسوز قىزمەتى
