بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالاسى قاراتاۋ اۋدانى اكىمىنىڭ مىندەتىن اتقارۋشىسى ازامات پارمانوۆ مالىمدەدى.
– اۋدان اۋماعىنداعى 416 كوپ قاباتتى تۇرعىن ءۇي اۋماعىندا 65 قوقىس الاڭشاسىندا 200 كونتەينەر ورناتىلعان. بۇگىندە ول كونتەينەرلەردىڭ توزىعى جەتكەن. اتالعان كونتەينەرلەردى تالاپقا سايكەستەندىرۋ بويىنشا اۋداندىق جانە قالالىق پروكۋراتۋرا تاراپىنان بىرنەشە ۇسىنىستار ءتۇستى. وسىعان وراي قوقىس الاڭشالارى ورنالاسقان جەر تەلىمدەرىنە مەملەكەتتىك اكتىلەر راسىمدەۋگە قاراجات قارالىپ، «كازپروەكت» جشس-ءى تاراپىنان جەر تەلىمىن زاڭداستىرۋ جۇمىستارى جۇرگىزىلۋدە. وعان قوسا جاڭا زاماناۋي كونتەينەرلەر الۋ ماقساتىندا بيۋدجەتتەن قارجى ءبولىنىپ، «كaz-kurylys Service» جشس-ءى تاراپىنان 226 دانا كونتەينەر الىندى، – دەدى ازامات بۇحاربايۇلى.
سپيكەردىڭ سوزىنشە، قازىرگى تاڭدا «Green Line» مەكەمەسى تاراپىنان قاراتاۋ اۋدانىنداعى كوپ قاباتتى ۇيلەردىڭ اۋلاسىنداعى كۇل-قوقىس جاشىكتەرىنىڭ قورشاۋلارىن جاڭارتۋ جۇمىستارى اتقارىلۋدا. ناتيجەسىندە، جىل سوڭىنا دەيىن 65 قوقىس الاڭشاسى جاڭارتىلادى.
