Bul týraly búgin aqparattyq-kommýnıkaııalyq ortalyǵynda ótken brıfıngte Shymkent qalasy Qarataý aýdany ákiminiń mindetin atqarýshysy Azamat Parmanov málimdedi.
– Aýdan aýmaǵyndaǵy 416 kóp qabatty turǵyn úı aýmaǵynda 65 qoqys alańshasynda 200 konteıner ornatylǵan. Búginde ol konteınerlerdiń tozyǵy jetken. Atalǵan konteınerlerdi talapqa sáıkestendirý boıynsha aýdandyq jáne qalalyq prokýratýra tarapynan birneshe usynystar tústi. Osyǵan oraı qoqys alańshalary ornalasqan jer telimderine memlekettik aktiler rásimdeýge qarajat qaralyp, «KazProekt» JShS-i tarapynan jer telimin zańdastyrý jumystary júrgizilýde. Oǵan qosa jańa zamanaýı konteınerler alý maqsatynda bıýdjetten qarjy bólinip, «Kaz-kurylys Service» JShS-i tarapynan 226 dana konteıner alyndy, – dedi Azamat Buharbaıuly.
Spıkerdiń sózinshe, qazirgi tańda «Green Line» mekemesi tarapynan Qarataý aýdanyndaǵy kóp qabatty úılerdiń aýlasyndaǵy kúl-qoqys jáshikteriniń qorshaýlaryn jańartý jumystary atqarylýda. Nátıjesinde, jyl sońyna deıin 65 qoqys alańshasy jańartylady.
