اقتوبە وبلىسىندا بەلگىسىز باتىردىڭ ەسكەرتكىشىنە 43 ميلليون تەڭگە بولىنگەن، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ. وبلىس تۇرعىندارى باتىرعا ەسكەرتكىش قويۋعا قارسى. ءبىرى ءتايتاي باتىر تاريحتا جوق دەسە، ەندى ءبىرى ول قوستاناي وبلىسى اكىمىنىڭ ارعى اتالارى دەپ وتىر.
تاس ءمۇسىننىڭ قۇرىلىسى ەكى اپتا بۇرىن باستالعان.حالىق جول بويىنا ءتايتاي باتىرعا ارنالعان ەسكەرتكىش سالىنىپ جاتقانىن ەستىگەندە تاڭ قالعان. اۋىل اقساقالدارى مۇنداي تۇلعانى تانىمايمىز، ءتىپتى ەستىمەگەنبىز دەيدى. ولار ارنايى انوماستيكالىق كوميسسيامەن بەكىتىلمەي، جەرگىلىكتى حالىقپەن ساناسپاي نەگە بەلگىسىز باتىرعا ەسكەرتكىش قويىلاتىنىن تۇسىنبەيدى.
«حالىق اۋزىندا جوق، ءيا ادەبيەتتە جوق ادامعا مۇنشا اقشا ءبولىپ، قارجىنى دالاعا شاشۋعا تۇبەگەيلى قارسىمىن»،-دەيدى اۋىل قۇرعىنى ۇزاقباي كەسىك.
بازىنالى حالىقتىڭ تالابى بىرەۋ. ولار قوماقتى قاراجاتتى تاس مۇسىنگە جۇمساعانشا، ەكولوگيالىق ايماق ءۇشىن اسا قاجەت جاڭا پوليگون سالۋعا، ەڭ اياعى جولداردى جوندەۋگە جۇمساسىن دەپ وتىر.
جەرگىلىكتى شەنەۋنىكتەردە قازىنادان قوماقتى قاراجاتتىڭ بولىنگەنىن راستادى. باسشىلاردىڭ ايتۋى بويىنشا، اقشا ەسكەرتكىشتى سالۋعا ەمەس، ونىڭ اينالاسىن اباتتاندىرۋعا جۇمسالادى.
«ادىرنا» ۇلتتىق پورتالى
