Aqtóbe oblysynda belgisiz batyrdyń eskertkishine 43 mıllıon teńge bólingen, dep habarlaıdy «Adyrna» ulttyq portaly «Astana TV» arnasyna silteme jasap. Oblys turǵyndary batyrǵa eskertkish qoıýǵa qarsy. Biri Táıtáı batyr tarıhta joq dese, endi biri ol Qostanaı oblysy ákiminiń arǵy atalary dep otyr.
Tas músinniń qurylysy eki apta buryn bastalǵan.Halyq jol boıyna Táıtáı batyrǵa arnalǵan eskertkish salynyp jatqanyn estigende tań qalǵan. Aýyl aqsaqaldary mundaı tulǵany tanymaımyz, tipti estimegenbiz deıdi. Olar arnaıy anomastıkalyq komıssııamen bekitilmeı, jergilikti halyqpen sanaspaı nege belgisiz batyrǵa eskertkish qoıylatynyn túsinbeıdi.
«Halyq aýzynda joq, ıá ádebıette joq adamǵa munsha aqsha bólip, qarjyny dalaǵa shashýǵa túbegeıli qarsymyn»,-deıdi aýyl qurǵyny Uzaqbaı KESIK.
Bazynaly halyqtyń talaby bireý. Olar qomaqty qarajatty tas músinge jumsaǵansha, ekologııalyq aımaq úshin asa qajet jańa polıgon salýǵa, eń aıaǵy joldardy jóndeýge jumsasyn dep otyr.
Jergilikti sheneýnikterde qazynadan qomaqty qarajattyń bólingenin rastady. Basshylardyń aıtýy boıynsha, aqsha eskertkishti salýǵa emes, onyń aınalasyn abattandyrýǵa jumsalady.
«Adyrna» ulttyq portaly
