قىرعىز رەسپۋبليكاسىنىڭ بۇرىنعى پرەزيدەنتى المازبەك اتامباەۆ ءوزىنىڭ ومىرىنە قاستاندىق جاسالاتىنىن بىلگەنىن، ونى كىمنىڭ ۇيىمداستىرعان ايتتى. مۇنى ءوزىنىڭ كەڭەسشىسى قۇندىز جولدۋباەۆا جاريالاعان ۆيدەودا مالىمدەدى.
- مەنىڭ ومىرىمە قاستاندىق جاساۋعا دايىندالىپ جاتقاندارى تۋرالى اقپاراتتى كەشە ەستىپ العانمىن. قاستاندىق جاساۋشىلارعا ۇقك-ءنىڭ كەيبىر باسشىلارى كومەكتەسىپ وتىر. ولار رايىم مەن سوكەشتىڭ ادامدارى. قاۋىپسىزدىك كەڭەسىنىڭ باسشىسىنىڭ ءوزى وعان قۇرىلىمدىق كۇشتەردىڭ ەشتەڭە ىستەي المايتىنىن ايتقان. ولاردىڭ بارلىعى ءبىر مافيا. بۇگىن بيلىكتى قالىپىنا كەلتىرگىسى كەلىپ جاتقان ادام دا سول ماترايموۆتىڭ ميلليوندارىنا قول سالعان. ولار اتامباەۆتى ولتىرسەك، بارلىعى جان-جاققا تاراپ، قاشىپ كەتەدى دەپ ويلايدى. ولاي بولمايدى. مەن حالقىممەن بىرگەمىن. بۇل - مەنىڭ تۋعان جەرىم. ءۇمىت سەكىلدى ازاماتتار وتانى ءۇشىن جانىن قيۋعا دايار... ولار قارۋ-جاراق پەن تاستاردى الدىن الا دايىنداپ قويعان - دەيدى ۆيدەودا اتامباەۆ.
ۆيدەودا اتامباەۆتىڭ كولىگىنە اتىلعان وق ىزدەرى دە كورسەتىلدى.
