Qyrǵyz Respýblıkasynyń burynǵy prezıdenti Almazbek Atambaev óziniń ómirine qastandyq jasalatynyn bilgenin, ony kimniń uıymdastyrǵan aıtty. Muny óziniń keńesshisi Qundyz Joldýbaeva jarııalaǵan vıdeoda málimdedi.
- Meniń ómirime qastandyq jasaýǵa daıyndalyp jatqandary týraly aqparatty keshe estip alǵanmyn. Qastandyq jasaýshylarǵa UQK-niń keıbir basshylary kómektesip otyr. Olar Raıym men Sókeshtiń adamdary. Qaýipsizdik keńesiniń basshysynyń ózi oǵan qurylymdyq kúshterdiń eshteńe isteı almaıtynyn aıtqan. Olardyń barlyǵy bir mafııa. Búgin bılikti qalypyna keltirgisi kelip jatqan adam da sol Matraımovtyń mıllıondaryna qol salǵan. Olar Atambaevty óltirsek, barlyǵy jan-jaqqa tarap, qashyp ketedi dep oılaıdy. Olaı bolmaıdy. Men halqymmen birgemin. Bul - meniń týǵan jerim. Úmit sekildi azamattar otany úshin janyn qııýǵa daıar... Olar qarý-jaraq pen tastardy aldyn ala daıyndap qoıǵan - deıdi vıdeoda Atambaev.
Vıdeoda Atambaevtyń kóligine atylǵan oq izderi de kórsetildi.
