Euronews ارناسى ءازىربايجان پرەزيدەنتى يلحام اليەۆ پەن ارمەنيا پرەمەر-ءمينيسترى نيكول پاشينياندى ونلاين سۇحباتقا شاقىرىپ، تاۋلى قاراباقتاعى قاقتىعىسقا بايلانىستى ءوز ۇستانىمدارىن سۇراپ ءبىلدى.
يلحام اليەۆ، ءازىربايجان پرەزيدەنتى:
-اتىستى توقتاتۋعا بىرجاقتى شەشىم جەتكىلىكسىز. مۇمكىن دە ەمەس. سول ءۇشىن وعان ەكى تاراپتىڭ دا اتسالىسقانى ءجون. قىركۇيەكتىڭ 27 كۇنگى ارمەنيانىڭ بىزگە جاساعان شابۋىلىنان ينفراقۇرىلىمىمىزعا زالال كەلدى، بەيبىت تۇرعىنداردى ۇرەيلەندىردى. سوڭعى ءۇش ايدا ارمەنيا بىزگە ءۇش رەت شابۋىل جاسادى: بالليستيكالىق، كاسسەتالىق بومبالاردىڭ سالدارىنان 30 شاقتى بەيبىت تۇرعىنىمىز قايتىس بولدى.
ال پاشينيان بولسا بۇل پىكىرمەن كەلىسپەي، ءازىربايجاندى تاۋلى قاراباقتا ەتنيكالىق تازارتۋ جۇرگىزبەك بولدى دەپ ايىپتادى.
ء"بىزدىڭ اسكەري ماقساتتى كوزدەپ وتىرماعانىمىز جايىندا الەمدىك بۇقارالىق اقپارات قۇرالدارى مەن حالىقارالىق قاۋىمداستىقتاردا جەتكىلىكتى اقپاراتتار بار. ەندىگى جەردە ساياسي ماسەلەنى شەشۋ كەرەكپىز. ءبىزدىڭ ماقساتىمىز بىرەۋ عانا - ارميان حالقىن جاڭا گەنوتسيدتەن قورعاۋ. بۇل ءوزىن-ءوزى قورعاۋ. ءبىزدىڭ ۇستانىمىمىز ءوز-ءوزىمىزدى قورعاۋ بولدى جانە سولاي جالعاسا بەرەدى. كاراباق ماسەلەسىن كۇشپەن شەشۋ مۇمكىن ەمەس. ءازىربايجان بۇل جاعدايدى زورلىق-زومبىلىق جاساۋمەن شەشكىسى كەلىپ وتىر", - دەدى پرەمەر پاشينيان
جاسۇلان ءناۋرىزالى،
"ادىرنا" ۇلتتىق پورتالى
