Euronews arnasy Ázirbaıjan prezıdenti Ilham Álıev pen Armenııa premer-mınıstri Nıkol Pashınıandy onlaın suhbatqa shaqyryp, Taýly Qarabaqtaǵy qaqtyǵysqa baılanysty óz ustanymdaryn surap bildi.
Ilham Álıev, Ázirbaıjan prezıdenti:
-Atysty toqtatýǵa birjaqty sheshim jetkiliksiz. Múmkin de emes. Sol úshin oǵan eki taraptyń da atsalysqany jón. Qyrkúıektiń 27 kúngi Armenııanyń bizge jasaǵan shabýylynan ınfraqurylymymyzǵa zalal keldi, beıbit turǵyndardy úreılendirdi. Sońǵy úsh aıda Armenııa bizge úsh ret shabýyl jasady: ballıstıkalyq, kassetalyq bombalardyń saldarynan 30 shaqty beıbit turǵynymyz qaıtys boldy.
Al Pashınıan bolsa bul pikirmen kelispeı, Ázirbaıjandy Taýly Qarabaqta etnıkalyq tazartý júrgizbek boldy dep aıyptady.
"Bizdiń áskerı maqsatty kózdep otyrmaǵanymyz jaıynda álemdik buqaralyq aqparat quraldary men halyqaralyq qaýymdastyqtarda jetkilikti aqparattar bar. Endigi jerde saıası máseleni sheshý kerekpiz. Bizdiń maqsatymyz bireý ǵana - armıan halqyn jańa genoıdten qorǵaý. Bul ózin-ózi qorǵaý. Bizdiń ustanymymyz óz-ózimizdi qorǵaý boldy jáne solaı jalǵasa beredi. Karabaq máselesin kúshpen sheshý múmkin emes. Ázirbaıjan bul jaǵdaıdy zorlyq-zombylyq jasaýmen sheshkisi kelip otyr", - dedi premer Pashınıan
Jasulan Naýryzáli,
"Adyrna" ulttyq portaly
