FameLab Kazakhstan عىلىمي كوممۋنيكاتسيالىق بايقاۋى فينالىنىڭ ترانسلياتسياسى ءوتىپ، وعان قازاقستاندىق 10 جاس عالىم قاتىستى. قاتىسۋشىلاردىڭ سەگىزى Nazarbayev University وكىلدەرى.
بايقاۋ جەڭىمپازى اتانعان نۇرلان سۇلەيمەنوۆ 750 000 تەڭگە سىيلىققا يە بولىپ، حالىقارالىق FameLab-2020 بايقاۋىنا قازاقستاننىڭ اتىنان قاتىسۋ مارتەبەسىنە لايىق دەپ تانىلدى. ەكىنشى جانە ءۇشىنشى جۇلدەلەرگە يە بولعان شوحيستا يسمايلجانوۆا مەن اسەل احمەتوۆاعا 350 000 تەڭگەدەن تاپسىرىلدى. كورەرمەندەردىڭ تاڭداۋى بويىنشا ش. يسمايلجانوۆا ۇزدىك سپيكەر اتانىپ، بايقاۋ ۇيىمداستىرۋشىلارىنىڭ Kindle ەلەكتروندى كىتاپ سىيلىعىنا يە بولدى.
«ءىشىمدى قۋانىش كەرنەپ تۇر! نەگىزى، FameLab بايقاۋىنا قاتىسۋ تۋرالى شەشىمدى تاپسىرىس قابىلداناتىن سوڭعى كۇنى جاسادىم، ال ۆيدەونى تۋرا سوڭعى ساتتە جىبەردىم، سوندىقتان فينالعا وتەمىن دەپ كۇتپەدىم. ماستەر-كلاسس قاتتى ۇنادى! بىزگە ءوز ءستيلىمىزدى تابۋعا كومەكتەسىپ، عىلىم تۋرالى قاراپايىم تىلمەن، ءارى وتە قىزىقتى قىلىپ جەتكىزۋگە بولاتىنىن كورسەتتى. بۇرىن ماعان تەك بيولوگيا قىزىقتى سەكىلدى بولىپ كورىنەتىن، بىراق ەندى قولىڭنان كەلسە – بارلىعىن قىزىقتى جەتكىزە بىلۋگە بولاتىنىن كوردىم. FameLab بايقاۋىنىڭ ارقاسىندا سونى ۇيرەنگىم كەلەتىنىن ءتۇسىندىم. وسىنداي تاماشا تاجىريبە سىيلاعاندارىڭىز ءۇشىن العىسىمدى بىلدىرەمىن!»، – دەيدى بايقاۋ جەڭىمپازى ن. سۇلەيمەنوۆ.
FameLab بايقاۋى 2005 جىلدان بەرى وتكىزىلىپ كەلەدى جانە عىلىمي كوممۋنيكاتسيا سالاسىنداعى الەمدىك كوشباسشى بايقاۋ سانالادى. قازاقستاندا FameLab بايقاۋىن «شەۆرون» كومپانياسىنىڭ قولداۋىمەن British Council (بريتان كەڭەسى) بەسىنشى جىل قاتارىنان وتكىزىپ كەلەدى، وعان 100-دەن استام جاس عالىم قاتىسىپ ۇلگەردى. بيىلعى جىلى بايقاۋدىڭ وتۋىنە OYLA عىلىمي-كوپشىلىك جۋرنالى دا قولداۋ كورسەتتى.
بايقاۋدىڭ ماقساتى – عىلىمدى ناسيحاتتاۋ جانە ونى زەرتتەۋگە دەگەن قىزىعۋشىلىقتى ارتتىرۋ. FameLab دارىندى جاس عالىمداردى انىقتاۋعا كومەكتەسىپ، ولاردىڭ كوممۋنيكاتسيالىق ماشىقتارىن جەتىلدىرۋگە ىقپال ەتەدى.
بايقاۋ فينالىنىڭ قازىلار القاسىنا ۇلىبريتانيانىڭ قازاقستانداعى ەلشى ورىنباسارى دجوناتان لەيفيلد، Causaly Inc تەحنيكالىق ديرەكتورى جانە نەگىزىن قالاسۋشى ارتۋر ساۋداباەۆ جانە The Village Kazakhstan نەگىزىن قالاۋشىسى ايسانا اشيم كىردى.
«FameLab – كەرەمەت ءىس-شارا! بريتان كەڭەسى FameLab بايقاۋىن 25 ەلدە وتكىزەدى. مۇندا الەمنىڭ تۇكپىر-تۇكپىرىنەن عالىمدار جينالىپ، عىلىم جايلى سويلەسىپ، ويلارى ءبىر تۇستان شىعاتىن تۇلعالار تىڭ يدەيالارىمەن ءبولىسىپ، ءوزارا پىكىر الماسادى. جەڭىمپاز ءوزىنىڭ عىلىمي كوممۋنيكاتسيالىق ماشىعىن جەتىلدىرۋگە، سونداي-اق تاجىريبەلى حالىقارالىق ترەنەرلەر وتكىزەتىن ماستەر-كلاسقا قاتىسۋعا مۇمكىندىك الادى، – دەيدى بريتان كەڭەسى ورتالىق ازيا بويىنشا سەرىكتەستىك ءبولىمىنىڭ باسشىسى بەن گرەي.
«ءبىز STEM باعىتقا ەرەكشە كوڭىل بولەمىز، سوندىقتان دا FameLab بايقاۋىنا قولداۋ كورسەتەمىز دەپ شەشتىك، ويتكەنى بۇل كۇردەلى عىلىمي يدەيالارمەن ءبولىسۋدىڭ قاراپايىم ءارى قىزىقتى ءتاسىلى. بايقاۋعا قاتىسۋشىلاردىڭ بارلىعىن قۇتتىقتايمىن! ولار بايقاۋدىڭ ارقاسىندا بولاشاقتا عىلىمي جۇمىستارىنا قاجەت بولاتىن ماشىقتاردى يگەردى. تورەشىلەر مەن بارلىق كورەرمەنگە ۇلكەن راقمەت!» – دەپ العىسىن ءبىلدىردى «شەۆرون» كومپانياسىنىڭ قوعاممەن بايلانىس ءبولىمىنىڭ كوورديناتورى جانار قوشپانوۆا.
سۇراقتارىڭىز بويىنشا ساعات 10:00-دەن 19:00-گە دەيىن +7 (727) 222 13 20 تەلەفونى ارقىلى نەمەسە famelab@oyla.xyz ەلەكتروندى پوشتاسىمەن جوبا كوورديناتورى داۋرەن ادىلبەكوۆكە حابارلاسا الاسىزدار.
