قىرعىزستاندا پارلامەنت سايلاۋىنىڭ ناتيجەسىنە نارازىلار اق ءۇي، پارلامەنت عيماراتىن باسىپ الىپ, ەلدە حالىقتىق ۇكىمەت قۇرۋ قاجەتتىگى جايىندا اڭگىمەلەر ايتىلا باستادى. تۋرا وسىنداي الماعايىپ شاقتا قىرعىز پرەزيدەنتى سوورونباي جەەنبەكوۆ ۆيدەومالىمدەمە جاسادى، دەپ حابارلايدى "ادىرنا" ۇلتتىق پورتالى.
جەەنبەكوۆ مالىمدەمەسىندە: "قالا تۇرعىندارىنىڭ تىنىشتىعىن بۇزدى. ءتارتىپ ساقشىلارىنا باعىنباي، دارىگەرلەردى ساباپ، عيماراتتاردى تالقاندادى. قان توگىلمەسىن، ءبىر دە ءبىر ازاماتتىڭ ومىرىنە قاۋىپ تونبەسىن دەپ كۇشتىك قۇرىلىمدارعا وق اتپاۋعا بۇيرىق بەردىم. قازىرگە دەيىن جاعدايدى ۋشىقتىرماۋ ءۇشىن مۇمكىن بولعان ارەكەتتىڭ بارلىعىن جاسادىق. مەملەكەتتىك تىنىشتىعى، قوعامنىڭ تۇراقتىلىعى دەپۋتات مانداتىنان بيىك" دەدى.
