Қырғызстанда парламент сайлауының нәтижесіне наразылар Ақ үй, парламент ғимаратын басып алып, елде халықтық үкімет құру қажеттігі жайында әңгімелер айтыла бастады. Тура осындай алмағайып шақта Қырғыз президенті Сооронбай Жээнбеков видеомәлімдеме жасады, деп хабарлайды "Адырна" ұлттық порталы.
Жээнбеков мәлімдемесінде: "Қала тұрғындарының тыныштығын бұзды. Тәртіп сақшыларына бағынбай, дәрігерлерді сабап, ғимараттарды талқандады. Қан төгілмесін, бір де бір азаматтың өміріне қауіп төнбесін деп күштік құрылымдарға оқ атпауға бұйрық бердім. Қазірге дейін жағдайды ушықтырмау үшін мүмкін болған әрекеттің барлығын жасадық. Мемлекеттік тыныштығы, қоғамның тұрақтылығы депутат мандатынан биік" деді.
