قىرعىزستان پارلامەنتىنىڭ دەپۋتاتى قىلمىستىق كودەكسكە بالالاردىڭ زورلانۋىنا قارسى قىلمىستار ءۇشىن جازانى قاتاڭداتاتىن تۇزەتۋلەر ۇسىنۋدا، دەپ حابارلايدى "ادىرنا" ءتىلشىسى.
پارلامەنت دەپۋتاتى مارلەن ماماتاليەۆ پەدوفيلدەرگە قاتىستى جازانى قاتاڭداتۋ كەرەك دەپ ەسەپتەيدى.
قىرعىزستان كونستيتۋتسيانىڭ 20-بابىنىڭ 3-بولىگىنە سايكەس بالالار ەلدىڭ ەڭ ماڭىزدى قۇندىلىعى ەكەندىگى ايتىلعان. بالانىڭ قۇقىقتارى مەن بوستاندىعى باسقا ادامدارمەن بىرگە ءابسوليۋتتى، بولىنبەيتىن جانە زاڭمەن جانە سوتپەن بىرەۋدىڭ قول سۇعۋىنان قورعالعان دەپ تانىلادى.
الايدا، سوڭعى جىلدارى قىرعىزستاندا بالالاردىڭ زورلانۋى، جىنىستىق قول سۇعىلماۋشىلىعى مەن جىنىستىق بوستاندىعىنا قارسى جاسالعان قىلمىستار سانى بىرنەشە ەسە ءوستى. سوندىقتان دەپۋتات:
"بالالاردىڭ ءومىرى مەن دەنساۋلىعىن جىنىستىق سيپاتتاعى قىلمىستىق قول سۇعۋشىلىقتاردان قورعاۋدى قامتاماسىز ەتۋ ءۇشىن قىلمىستىق كودەكسكە وزگەرىس ەنگىزۋ قاجەت", - دەپ اتاپ ءوتتى مارلەن ماماتاليەۆ.
ماماتاليەۆتىڭ پىكىرىنشە، مۇنداي اۋىر قىلمىسقا بارعانداردى ءومىر بويىنا باس بوستاندىعىنان ايىرۋ كەرەك.
