ميتينگىگە شىققاندار مەن قارۋلى كۇشتەردىڭ تەكەتىرەسى ساعات 20.00-دەن باستاپ "اق ۇيگە" باسىپ كىرۋمەن اياقتالدى. بۇل تۋرالى 24.kg-كە سىلتەمە جاساپ، kaz.tengrinews.kz حابارلايدى. .
رەسپۋبليكانىڭ زاڭنامالىق ورگانىنا وتپەي قالعان پارتيا جاقتاستارى قاقپانى جۇك كولىگىمەن بۇزىپ، ىشكە كىردى. كۋاگەرلەردىڭ ايتۋىنشا، وسىعان بىرنەشە مينۋت قالعانعا دەيىن پارلامەنت عيماراتىنان كولىكتەردىڭ كولونناسى شىققان.
اق ۇيگە كىرگەندەر ءبىر-بىرىنە: "سىندىرما" دەپ، پارلامەنت عيماراتىن توناماۋعا شاقىرعان.
سونداي-اق ميتينگىگە شىققاندارمەن بىرگە عيماراتقا رەسپۋبليكانىڭ ەكس-پرەزيدەنتى المازبەك اتامباەۆتىڭ ۇلى قادىر اتامباەۆ كىرگەن.
تەرريتوريادا مەملەكەتتىك كۇزەت قىزمەتىنىڭ ماماندارى جوق. رەسمي راستالماعان اقپاراتقا سۇيەنسەك، ەل پرەزيدەنتى سوورونباي جەەنبەكوۆ وڭتۇستىككە ۇشىپ كەتكەن. مەملەكەت باسشىسى اپپاراتىنىڭ باستىعى دوسالى ەسەناليەۆ، ءباسپاسوز حاتشىسى تولگوناي ستاماليەۆاعا حابارلاسۋ مۇمكىن ەمەس.
ەسكە سالايىق، بىشكەكتىڭ ورتالىعىنداعى "الا-توو" الاڭىندا پارلامەنتتىك سايلاۋ ناتيجەسىنە قارسى بولعاندار ميتينگكە شىقتى. 5 قازانداعى جاعداي بويىنشا، ءبىرىنشى ورىندا "بيريمديك" پارتياسى تۇر (داۋىستار ءالى دە وڭدەلىپ جاتىر).
فوتو: Sputnik قىرعىزستان
