Mıtıngige shyqqandar men qarýly kúshterdiń teketiresi saǵat 20.00-den bastap "Aq úıge" basyp kirýmen aıaqtaldy. Bul týraly 24.kg-ke silteme jasap, kaz.tengrinews.kz habarlaıdy. .
Respýblıkanyń zańnamalyq organyna ótpeı qalǵan partııa jaqtastary qaqpany júk kóligimen buzyp, ishke kirdi. Kýágerlerdiń aıtýynsha, osyǵan birneshe mınýt qalǵanǵa deıin parlament ǵımaratynan kólikterdiń kolonnasy shyqqan.
Aq úıge kirgender bir-birine: "Syndyrma" dep, parlament ǵımaratyn tonamaýǵa shaqyrǵan.
Sondaı-aq mıtıngige shyqqandarmen birge ǵımaratqa respýblıkanyń eks-prezıdenti Almazbek Atambaevtyń uly Qadyr Atambaev kirgen.
Terrıtorııada Memlekettik kúzet qyzmetiniń mamandary joq. Resmı rastalmaǵan aqparatqa súıensek, el prezıdenti Sooronbaı Jeenbekov ońtústikke ushyp ketken. Memleket basshysy apparatynyń bastyǵy Dosaly Esenalıev, baspasóz hatshysy Tolgonaı Stamalıevaǵa habarlasý múmkin emes.
Eske salaıyq, Bishkektiń ortalyǵyndaǵy "Ala-Too" alańynda parlamenttik saılaý nátıjesine qarsy bolǵandar mıtıngke shyqty. 5 qazandaǵy jaǵdaı boıynsha, birinshi orynda "Bırımdık" partııasy tur (daýystar áli de óńdelip jatyr).
Foto: Sputnik Qyrǵyzstan
