فوتو: © istockphoto.com
اقش پرەزيدەنتى دونالد ترامپ اكىمشىلىگى بۇعان دەيىن اككرەديتاتسياسىنان ايىرعان CNN, MS NOW جانە Politico جۋرناليستەرىنە اق ۇيگە قايتا كىرۋگە رۇقسات بەردى. بۇل شەشىم فەدەرالدى سوتتىڭ ءتيىستى قاۋلىسىنان كەيىن قابىلداندى، دەپ حابارلايدى "ادىرنا".
بۇعان دەيىن ترامپ اتالعان باق وكىلدەرىنىڭ اق ءۇي اۋماعىنا كىرۋىن شەكتەپ، ولاردى «جالعان اقپارات» تاراتتى دەپ ايىپتاعان. ءۇش رەداكتسيا بۇل شەشىمگە بايلانىستى سوتقا جۇگىنگەن.
24 قىركۇيەكتە اقش فەدەرالدى سوتى اكىمشىلىككە CNN, MS NOW جانە Politico جۋرناليستەرىنىڭ اق ۇيگە كىرۋ مۇمكىندىگىن قالپىنا كەلتىرۋدى تاپسىردى.
الايدا سوت قاۋلىسى شىققاننان كەيىن دە ءۇش باق وكىلى اق ۇيگە كىرۋ كەزىندە قيىندىققا تاپ بولدى. رەداكتسيالار سوتقا قايتا شاعىم ءتۇسىرىپ، جۋرناليستەردى عيماراتقا كىرگىزۋدى تالاپ ەتتى.
كەيىن جۋرناليستەردىڭ اككرەديتاتسياسى قالپىنا كەلتىرىلدى. الدىمەن MS NOW تىلشىلەرى، كەيىن Politico جانە CNN جۋرناليستەرى اق ءۇي اۋماعىنا كىرىپ، جۇمىسىن قايتا باستادى.
سوت بەلگىلەگەن مەرزىم اياقتالۋىنا شامامەن ءبىر ساعات قالعاندا، اقش قۇپيا قىزمەتى اككرەديتاتسياسىن تاركىلەگەن جۋرناليستەردىڭ اق ۇيگە قايتا كىرۋىنە رۇقسات بەردى.
ايتا كەتەيىك، CNN, MS NOW جانە Politico جۋرناليستەرىنە اق ۇيگە كىرۋگە شەكتەۋ قويىلعاننان كەيىن پرەزيدەنت اكىمشىلىگى Trump TV ارناسىن ىسكە قوسقان.
