2022 جىلى 1 قىركۇيەكتە مەملەكەت باسشىسى قاسىم-جومارت توقاەۆ ءوز جولداۋىندا بيىل كۇزدە كەزەكتەن تىس پرەزيدەنت سايلاۋى وتەتىنىن مالىمدەدى، دەپ حابارلايدى «ادىرنا» ءتىلشىسى.
ادىلەتتى قازاقستان قۇرۋ جولىندا كەشەندى رەفورمالاردى جۇزەگە اسىرۋ ءۇشىن جاڭا سەنىم مانداتى قاجەت ەكەنىن اتاپ ءوتتى. سونىمەن قوسا وكىلەتتىلىگىنىڭ مەرزىمى جايلى دا ۇسىنىس ءبىلدىردى. بۇدان بىلاي قازاقستان رەسپۋبليكاسىنىڭ پرەزيدەنتى ءبىر مەرزىمگە عانا – 7 جىلعا سايلانادى. ياعني جەتى جىلدان كەيىن پرەزيدەنت بولعان ادام قايتادان سايلاۋعا قاتىسا المايدى.
«مەن ءۇشىن مەملەكەت مۇددەسى بارىنەن بيىك. سوندىقتان مەن وكىلەتتىك مەرزىمىمدى قىسقارتۋعا جانە كەزەكتەن تىس پرەزيدەنت سايلاۋىنا بارۋعا دايىنمىن»، – دەگەن ەدى مەملەكەت باسشىسى قاسىم-جومارت توقاەۆ.
بۇگىنگى كۇنى اتالعان ساياسي ناۋقاننىڭ وتەتىن كۇنىدە ناقتىلاندى. اعىمداعى جىلى 20 قاراشادا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى وتەتىن بولادى.
وسىعان وراي، الماتى قالاسىندا سايلاۋدا داۋىس بەرۋگە ارنالعان سايلاۋ ۋچاسكەسىنىڭ مەكەنجايى مەن ءنومىرىن تەكسەرۋ ءۇشىن Call-ورتالىق ىسكە قوسىلدى.
بارلىق ۇيالى بايلانىس وپەراتورلارىنىڭ ابونەنتتەرى ءۇشىن قوڭىراۋ شالۋ تەگىن. Call-ورتالىقتىڭ جۇمىس ۋاقىتى – دەمالىس كۇندەرىن قوسا العاندا، كۇن سايىن ساعات 8.00-دەن 20.00-گە دەيىن.
الماتى قالاسى اكىمدىگىنىڭ «Open Almaty» قوعامدىق قابىلداۋىنىڭ سايتىندا جانە ءبىلىم باسقارماسىنىڭ مەملەكەتتىك قىزمەتتەر پورتالىندا سايلاۋشىلار تىزىمىندە ءوزىن تەكسەرۋگە مۇمكىندىك بەرەتىن سەرۆيس ەندى قولجەتىمدى.
وسىعان ۇقساس قىزمەت Telegram Bot (@almaty_sailau2022_bot) ارقىلى دا ىسكە قوسىلدى.
