قر پرەزيدەنتتىگىنە ۇمىتكەر سالتانات تۇرسىنبەكوۆانىڭ جول ۇستىندە شىرقاعان رۋحتى ءانى الەۋمەتتىك جەلىدە تاراپ جاتىر. ۆيدەودا كانديدات قولداۋشىلارىن ءوز اۋزىنا قاراتىپ، ء"اليا" ءانىن شىرقايدى. بۇل جايلى "ادىرنا" ۇلتتىق پورتالى حابارلادى.
قر پرەزيدەنتتىگىنە ۇمىتكەر سالتانات تۇرسىنبەكوۆا جولساپاردا كەلە جاتىپ رۋحتى ء"اليا" ءانىن شىرقادى. بەينەكادردان ۇمىتكەردىڭ ءوز تىلەۋلەستەرىمەن بىرگە ۇگىت-ناسيحات ءۇشىن جولعا شىققانى بايقالادى.
الەۋمەتتىك جەلى تۇرعىندارىنىڭ ءانشى-ۇمىتكەرگە قاتىستى پىكىرى ەكىگە جارىلدى.
"ۇمىتكەرلەردىڭ نەشە ءتۇرلى ونەرىنە كۋا بولدىق، سايلاۋىمىز ونەر سايىسىنا اينالىپ بارا ما، قالاي؟", "سايلاۋداعى رولگە بەرگەن قوماقتى اقشانى قالتاعا باسىپ العان سوڭ ول اندەتپەي كىم اندەتەدى. سايلاۋ ساياساتى قانداي جيىركەنىشتى ەدى", "بىرەۋى شەگە مايىستىرعىش، بىرەۋى سۇيەك شاققىش، بۇل ءانشى، شەتىنەن ونەرلى ءبارى", "دۇرىس قوي، ءبارى ارتىستەر عوي..", "ۇيالماعان ءانشى ، ءانشى بولماسا دەپۋتات بولادى", ء"اۋ" دەمەيتىن قازاق جوق",ء"انديدات", "زامان قياليلاردىكى" دەگەن سىندى پىكىر قالدىردى وقىرماندار.
"ادىرنا" ۇلتتىق پورتالى
