شىمكەنت جىل ساناپ جاسىل جەلەكتى قالاعا اينالىپ كەلەدى. مەگاپوليستە جاسىل ايماقتىڭ اۋماعى الداعى بەس جىلدا 13 000 گەكتارعا ۇلعايادى.
«جاسىل بەلدەۋ» كوممۋنالدىق مەملەكەتتىك مەكەمەسى 2020-2025 جىلدارعا ارنالعان ءىس-شارا جوسپارىن ازىرلەگەن. جوسپارعا سايكەس، 2021 جىلى جاڭادان 500 گەكتار جەرگە 620 000 ءتۇپ اعاش كوشەتى وتىرعىزىلادى.
بيىل 800 مىڭعا جۋىق اعاش ەگۋ جوسپارلانعان بولسا، كوكتەمدە سونىڭ 72 مىڭ ءتۇبى وتىرعىزىلعان. ال، كۇزدە 700 مىڭنان استام كوشەت سەنبىلىكتەر اياسىندا ەگىلەدى.
سونىمەن قاتار، بيىل 8 ايدا 201,1 مىڭ شارشى مەتر اۋماققا جازدىق گۇلدەر مەن 18,5 مىڭ شارشى مەتر جەرگە گازون جانە 159 700 ءتۇپ ليگۋسترۋم ەگىلگەن.
جاسىل ايماققا ەگىلەتىن اعاش كوشەتتەرىن ازىرلەۋ ماقساتىندا قالادا 8 گەكتارلىق تۇقىمباق ۇيىمداستىرىلدى. قازىرگى تاڭدا تۇقىمباقتىڭ 1 گەكتار جەرى تولىق سۋعارىلىپ، 300 كەلى ەمەن تۇقىمى جانە 100 دانا بۇتا تارىزدەس لەگۋسترا اعاشىنىڭ قالامشالارى وتىرعىزىلۋدا. جالپى، تۇقىمباققا الداعى ۋاقىتتا ءار ءتۇرلى اعاشتاردىڭ 3 195 توننا تۇقىمىن سەبۋ، بۇتا جانە اعاش كوشەتتەرىنىڭ 65 000 دانا قالامشالارىن ەگۋ جوسپارلانۋدا.
شىمكەنت قالاسى اكىمىنىڭ ءباسپاسوز قىزمەتى
