رەسەي ساياساتكەرى ۆلاديمير جيرينوۆسكي تاۋلى قاراباحتاعى جاعدايعا بايلانىستى پىكىر ءبىلدىردى دەپ حابارلايدى «ادىرنا» ۇلتتىق پورتالى ۆەستنيك ينفو اگەنتتىگىنە سىلتەمە جاساپ. سوزدەرى شاشىراڭقى شىقسا دا، شارشاعان ساياساتكەردىڭ ايتقانىنان ءبىراز نارسەنى اڭعارۋعا بولادى.
تاۋلى قاراباحتاعى جاعدايدى كوروناۆيرۋسكە تەڭەگەن رەسەيلىك ساياساتكەر ازەربايجان مەن ارمەنيا اراسىنداعى بۇل سوعىس ۇلكەن سوعىسقا جول اشۋى مۇمكىن دەيدى. «شيەلەنىستى بەيبىت جولمەن شەشۋ مۇمكىن ەمەس. ازەربايجاندار پارسى تايپاسىنىڭ وكىلدەرى. ەتنيكالىق جاعىنان يراندار مەن ازەربايجاندار ءبىر بىرىنە وتە جاقىن ۇلت. تۇرىكتەر شىعىس ازيادان كەلىپ ولاردى تۇركىلەندىردى. ياعني، بىرنەشە عاسىر بويىنا ازەربايجاندارعا تۇرىك ءتىلىن ۇيرەتىپ، تۇرىككە اينالدىردى. مىنە، سوندىقتان ولاردا ءوزارا ۇقساستىق پايدا بولدى. دەسەك تە، ازەربايجاننىڭ تىلدەرى تۇرىك ءتىلى ەمەس. ورىس پەن بەلارۋس سياقتى ءبىر ءبىرىن جاقسى تۇسىنەدى. ارمياندار مۇسىلماندار قونىستانعان ايماقتا قالىپ كەتكەن حريستيان الەمىنىڭ برەست قامالىنداي بولشەگى.
تاۋلى قاراباحتاعى جاعداي تۇركيانىڭ ارالاسۋىمەن شيەلەنىستى. تۇركيا پرەزيدەنتى ەردوعان اينالاسىنداعى سۇننيتتەردى ءبىر تۋدىڭ استىنا بىرىكتىرمەك ماقساتىندا سيريا، ليۆيا ماسەلەلەرىنە دە ارالاستى. ەردوعاننىڭ كوكسەگەنى باياعى وسمان يمپەرياسىن جارتىلاي بولسا دا جاڭعىرتۋ. سيريانىڭ ءبىر بولىگىن، ارمەنيادان دا ءبىر بولىك ايماقتى، تۇركىمەنستاننان ت.س.س الىپ قالعىسى كەلەدى. بۇل عاسىرلارعا سوزىلاتىن ماسەلە. بۇل ماسەلەگە رەسەي ارالاسپاي، شەشىمى تابىلمايدى. ول ءۇشىن رەسەيگە وراسان زور كۇشكە اينالۋى كەرەك، رەسەي قۋاتتى ەلگە اينالۋى كەرەك. رەسەي ارالاسىپ قانا اركىمنىڭ ءوز ورنىن قاي جەردە ەكەنىن كورسەتە الادى. ەڭ ءبىرىنشى، كۇردتەرگە تاۋەلسىزدىك اپەرىپ، كۇردىستان مەملەكەتىن قۇرۋىنا ىقپال ەتەدى. تۇركيانىڭ بىر بولىگى بولىپ تابىلاتىن كۇردتەردىڭ سانى 20 ميلليوننان اسادى قازىر. ارمەنياعا باتىس ارمەنياعا قايتۋىنا جاردەم بەرەدى. بۇل دا تۇركيانىڭ ءبىر ايماعى. ەشكىم ءبىر بىرىمەن سوعىسپاۋى ءۇشىن وسىلاي جاساۋ كەرەك»، -دەگەن جيرينوۆسكي ەردوعاننىڭ ايىلىن جيناتۋدىڭ تەتىكتەرىن كورسەتىپ باقتى.
«رەسەيدىڭ قۇرامىنا ءبارىن قايتا قوسۋ كەرەك! باكۋ گۋبەرنياسى، ەرەۆان گۋبەرنياسى جانە ستەپاناكەرت اۋدانىن كراسنودار ايماعىنا قوسۋ قاجەت. ولاي ەتپەسە ۇزدىكسىز سوعىس جالعاسىپ، ونىڭ سوڭى قايعىلى اياقتالادى. قازىر شايقاستى توقتاتسا، ءبىر جىلدان كەيىن قايتا سوعىسادى. بۇل جاۋلاستىق بىرنەشە عاسىرعا جالعاسىپ كەلە جاتىر.تاعى ءبىر شەشىم رەتىندە پاتشالىق رەسەيدىڭ ءادىسىن ايتساق بولادى. رەسەي يمپەرياسى جاۋلاسۋشى ەكى تاراپقا دا قارۋ بەرگەن، ءسويتىپ قارسىلاستار ءوز تاعدىرلارىن ۇرىس الاڭىندا شەشكەن»،- دەيدى رەسەيلىك ساياساتكەر.
راۋانا ديماشقىزى،
«ادىرنا» ۇلتتىق پورتالى.
فوتو اشىق دەرەككوزدەن الىندى.
