ەلىمىزدە ەلەكتروندىق ساۋدا دامىپ كەلەدى

2602
Adyrna.kz Telegram

بۇگىندە ەلىمىزدە سالالاردى تسيفرلاندىرۋ پروتسەسى ءجۇرىپ جاتىر.

«تسيفرلىق قازاقستان» باعدارلاماسىنىڭ ءبىر باعىتى - ەلەكتروندىق ساۋدا. ول كومپيۋتەرلىك جەلىلەردىڭ كومەگى ارقىلى بيزنەس ۇدەرىستەردى جۇرگىزۋگە باعىتتالعان.

ەلىمىزدە ەلەكتروندىق قاراجاتپەن ساۋدا جاساۋ 2005 جىلى باستالدى.

قازىرگى تاڭدا  2 مىڭنان استام ينتەرنەت-دۇكەن جۇمىس ىستەيدى.

دۇنيەجۇزىلىك ساراپتاما قورىتىندىلارىنا نازار اۋدارساق، ەلەكتروندى ساۋدادا سولتۇستىك امەريكا كوش باستاپ تۇر. ەۋروپانىڭ دامىعان ەلدەرىندە ەلەكتروندى ساۋدا 50 پايىزعا، ال رەسەيدەگى مۇنداي ساۋدا 18 پايىزعا جەتكەن.

ەلەكتروندىق ساۋدانىڭ ەرەكشەلىكتەرى قانداي؟

باستى ارتىقشىلىقتارى:

-قاۋىپسىزدىك;

-ۋاقىت ۇنەمدەۋ;

-تاۋلىك بويى قىزمەت كورسەتۋ;

-تاڭداۋ مۇمكىندىگى;

-جەڭىلدىكتەر;

-كەشبەك جيناۋ.

ساۋدا جاساعان كەزدە نەنى ەسكەرۋ قاجەت؟

ەڭ الدىمەن، كومپانيانىڭ قانشالىقتى تانىمال ەكەنىنە كوز جەتكىزىڭىز. سونداي-اق، جەكە شوتتارىڭىزدى الەۋمەتتىك جەلىلەرگە جۇكتەۋگە بولمايدى.

كارانتين كەزىندە ەلەكتروندى ساۋدا نارىعىنىڭ كولەمى ارتتى

بۇل تۋرالى قر ساۋدا جانە ينتەگراتسيا ءمينيسترى باقىت سۇلتانوۆ حابارلادى.

«بۇگىندە تۇتىنۋشىلار تاۋار ساپاسىنا كوبىرەك نازار اۋدارۋدا. حالىقارالىق ەسەپتەرگە سايكەس ساۋالناما جۇرگىزىلگەن تۇتىنۋشىلاردىڭ 40%-ى تاۋاردى برەندتىڭ سەنىمدىلىگىنە قاراي تاڭدايدى. ەلەكتروندىق ساۋدا سالاسىنداعى كومپانيالاردىڭ كوپشىلىگى ساتىپ الۋشىنى تارتۋدىڭ نەگىزگى فاكتورلارى رەتىندە تاۋارلار تۋرالى دەرەكتەردىڭ وزەكتىلىگى مەن تاۋارلاردى بەلسەندى وڭدەپ ساتىپ الۋشىعا دەيىن جەتكىزۋدى اتاپ وتۋدە. باسقا الەمدىك ترەندتەردىڭ ىشىندە ترانسشەكارالىق ونلاين-ساۋدانى جانە لوگيستيكانى دامىتۋ ءۇشىن ەلدەر اراسىنداعى حالىقارالىق ىنتىماقتاستىقتىڭ كۇشەيۋىن اتاپ ءوتۋ ماڭىزدى»، — دەدى مينيستر. سونداي-اق، ول ساۋدانىڭ بۇل ءتۇرىن ودان ءارى دامىتۋ ماقساتىندا ەلەكتروندىق ساۋدانى جۇزەگە اسىرۋدان تۇسكەن كىرىستەر جىلدىق جيىنتىق تابىستىڭ كەمىندە 40% قۇراعان جاعدايدا، سالىق كودەكسىندەگى جەكە كاسىپكەرلەر ءۇشىن كورپوراتيۆتىك تابىس سالىعى مەن جەكە تابىس سالىعىن تولەۋدەن بوساتۋ نورماسى جونىندەگى وزگەرىستەردى قولداۋدى سۇراعان بولاتىن.

تاۋارلارمەن ەلەكتروندى ساۋدا جاساۋداعى جەڭىلدىكتەر

جەڭىلدىكتەردى قولدانۋ ءۇشىن، مىناداي شارتتار ساقتالۋى ءتيىس:

- تاۋارلاردى وتكىزۋ جونىندەگى مامىلەلەردى رەسىمدەۋ ەلەكتروندىق نىساندا جۇزەگە اسىرىلۋ قاجەت;
- تاۋارلار ءۇشىن اقى تولەۋ قولما-قول ەمەس تولەممەن جۇرگىزىلۋ قاجەت;
- تاۋارلاردى ساتىپ الۋشىعا (الۋشىعا) جەتكىزەتىن ءوز قىزمەتى بولسا، نە جۇكتەردى تاسىمالداۋ بويىنشا كورسەتىلەتىن قىزمەتتەردى، كۋرەرلىك نەمەسە پوشتالىق قىزمەتتى جۇزەگە اسىراتىن تۇلعالارمەن كەلىسىم-شارتتارى بولۋى ءتيىس.

جوعارىدا كورسەتىلگەن جەڭىلدىكتەر تاۋارلارمەن ەلەكتروندىق ساۋدانى جۇزەگە اسىرۋدان تۇسەتىن كىرىستەر جىلدىق جيىنتىق كىرىستىڭ كەمىندە 90% قۇراعان جاعدايدا قولدانىلادى.  ال بۇل شارتتار ساقتالماعان كەزدە سالىق تولەۋشى جەڭىلدىكتەردى قولدانا المايدى.

قازىرگى تاڭدا ونلاين-ساۋدا سالاسىندا satu.kz‎، market.kz, kaspi.kz, flip.kz, AliExpress سىندى ويىنشىلاردىڭ قىزمەتى كۇننەن-كۇنگە سۇرانىسقا يە بولۋدا.

 

«ادىرنا» ۇلتتىق پورتالى

پىكىرلەر