Bügınde elımızde salalardy sifrlandyru prosesı jürıp jatyr.
«Sifrlyq Qazaqstan» baǧdarlamasynyŋ bır baǧyty - elektrondyq sauda. Ol kompiuterlık jelılerdıŋ kömegı arqyly biznes üderısterdı jürgızuge baǧyttalǧan.
Elımızde elektrondyq qarajatpen sauda jasau 2005 jyly bastaldy.
Qazırgı taŋda 2 myŋnan astam internet-düken jūmys ısteidı.
Düniejüzılık saraptama qorytyndylaryna nazar audarsaq, elektrondy saudada Soltüstık Amerika köş bastap tūr. Europanyŋ damyǧan elderınde elektrondy sauda 50 paiyzǧa, al Reseidegı mūndai sauda 18 paiyzǧa jetken.
Elektrondyq saudanyŋ erekşelıkterı qandai?
Basty artyqşylyqtary:
-qauıpsızdık;
-uaqyt ünemdeu;
-täulık boiy qyzmet körsetu;
-taŋdau mümkındıgı;
-jeŋıldıkter;
-keşbek jinau.
Sauda jasaǧan kezde nenı eskeru qajet?
Eŋ aldymen, kompaniianyŋ qanşalyqty tanymal ekenıne köz jetkızıŋız. Sondai-aq, jeke şottaryŋyzdy äleumettık jelılerge jükteuge bolmaidy.
Karantin kezınde elektrondy sauda naryǧynyŋ kölemı artty
Būl turaly QR sauda jäne integrasiia ministrı Baqyt Sūltanov habarlady.
«Bügınde tūtynuşylar tauar sapasyna köbırek nazar audaruda. Halyqaralyq esepterge säikes saualnama jürgızılgen tūtynuşylardyŋ 40%-y tauardy brendtıŋ senımdılıgıne qarai taŋdaidy. Elektrondyq sauda salasyndaǧy kompaniialardyŋ köpşılıgı satyp aluşyny tartudyŋ negızgı faktorlary retınde tauarlar turaly derekterdıŋ özektılıgı men tauarlardy belsendı öŋdep satyp aluşyǧa deiın jetkızudı atap ötude. Basqa älemdık trendterdıŋ ışınde transşekaralyq onlain-saudany jäne logistikany damytu üşın elder arasyndaǧy halyqaralyq yntymaqtastyqtyŋ küşeiuın atap ötu maŋyzdy», — dedı ministr. Sondai-aq, ol saudanyŋ būl türın odan ärı damytu maqsatynda elektrondyq saudany jüzege asyrudan tüsken kırıster jyldyq jiyntyq tabystyŋ kemınde 40% qūraǧan jaǧdaida, salyq kodeksındegı jeke käsıpkerler üşın korporativtık tabys salyǧy men jeke tabys salyǧyn töleuden bosatu normasy jönındegı özgerısterdı qoldaudy sūraǧan bolatyn.
Tauarlarmen elektrondy sauda jasaudaǧy jeŋıldıkter
Jeŋıldıkterdı qoldanu üşın, mynadai şarttar saqtaluy tiıs:
- tauarlardy ötkızu jönındegı mämılelerdı resımdeu elektrondyq nysanda jüzege asyrylu qajet;
- tauarlar üşın aqy töleu qolma-qol emes tölemmen jürgızılu qajet;
- tauarlardy satyp aluşyǧa (aluşyǧa) jetkızetın öz qyzmetı bolsa, ne jükterdı tasymaldau boiynşa körsetıletın qyzmetterdı, kurerlık nemese poştalyq qyzmettı jüzege asyratyn tūlǧalarmen kelısım-şarttary boluy tiıs.
Joǧaryda körsetılgen jeŋıldıkter tauarlarmen elektrondyq saudany jüzege asyrudan tüsetın kırıster jyldyq jiyntyq kırıstıŋ kemınde 90% qūraǧan jaǧdaida qoldanylady. Al būl şarttar saqtalmaǧan kezde salyq töleuşı jeŋıldıkterdı qoldana almaidy.
Qazırgı taŋda onlain-sauda salasynda satu.kz, market.kz, kaspi.kz, flip.kz, AliExpress syndy oiynşylardyŋ qyzmetı künnen-künge sūranysqa ie boluda.
«Adyrna» ūlttyq portaly
