بۇۇ قاۋىپسىزدىك كەڭەسى تاۋلى قاراباحتاعى قاقتىعىس ايماعىندا اۋقىمدى سوعىس قيمىلدارى تۋرالى حابارلامالارعا الاڭداۋشىلىق بىلدىرەدى، دەلىنگەن قاۋىپسىزدىك كەڭەسىنىڭ تالقىلاۋ قورىتىندىسىنىڭ تۇجىرىمداماسىندا دەپ حابارلايدى «ادىرنا» ۇلتتىق پورتالى Sputnik.kz سايتىنا سىلتەمە جاساپ.
"ولار (قاۋىپسىزدىك كەڭەسىنىڭ مۇشەلەرى – Sputnik) كۇش قولدانۋدى قاتاڭ تۇردە ايىپتاپ، ادام ولىمىنە وكىنەتىندىكتەرىن ءبىلدىردى", – دەدى بۇۇ قاۋىپسىزدىك كەڭەسىنىڭ توراعاسى ابدۋ ابارري.
بۇۇ قاۋىپسىزدىك كەڭەسى ارمەنيا مەن ازەربايجاندى اتىستى دەرەۋ توقتاتۋعا جانە الدىن-الا شارتسىز ءماندى كەلىسسوزدەردى باستاۋعا شاقىردى. سونداي-اق، ەقىۇ مينسك توبى تەڭ توراعالارىنىڭ ورتالىق رولىنە تولىق قولداۋ ءبىلدىردى.
ازەربايجان پرەزيدەنتى "قولايسىز" شارتتار تۋرالى ايتتى
باكۋ ەرەۆاننىڭ قاراباح بويىنشا كەلىسسوزدە قولايسىز تالاپتاردى العا تارتىپ وتىرعانىن مالىمدەدى.
"ارمەنيا قولايسىز تالاپتار قويۋ ارقىلى كەلىسسوز پروتسەسىن ادەيى بۇزادى", – دەدى اليەۆ "روسسيا 1" ارناسىنىڭ ەفيرىندە.
تاۋلى قاراباحتاعى قاقتىعىستىڭ شيەلەنىسۋى
ازەربايجان قورعانىس مينيسترلىگى 27 قىركۇيەكتە ارمەنيا قارۋلى كۇشتەرى شەكتەسۋ سىزىعىنداعى ەلدى مەكەندەرگە وق اتقانىن حابارلادى. ونىڭ سالدارى ازاماتتىق جانە اسكەري شىعىندارعا ۇشىراتقان. ال ارمەنيا قورعانىس مينيسترلىگىنىڭ مالىمدەمەسىنە سايكەس، ازەربايجان تاراپىنان قاراباققا اۋە جانە راكەتالىق شابۋىلدار جاسالعان.
فوتو اشىق دەرەككوزدەن الىندى.
