BUU Taýly Qarabahtaǵy soǵysqa qatysty málimdeme jasady

466

BUU Qaýipsizdik keńesi Taýly Qarabahtaǵy qaqtyǵys aımaǵynda aýqymdy soǵys qımyldary týraly habarlamalarǵa alańdaýshylyq bildiredi, delingen Qaýipsizdik keńesiniń talqylaý qorytyndysynyń tujyrymdamasynda dep habarlaıdy «Adyrna» ulttyq portaly Sputnik.kz saıtyna silteme jasap.

"Olar (Qaýipsizdik keńesiniń músheleri – Sputnik) kúsh qoldanýdy qatań túrde aıyptap, adam ólimine ókinetindikterin bildirdi", – dedi BUU Qaýipsizdik keńesiniń tóraǵasy Abdý Abarrı.

BUU Qaýipsizdik keńesi Armenııa men Ázerbaıjandy atysty dereý toqtatýǵa jáne aldyn-ala shartsyz mándi kelissózderdi bastaýǵa shaqyrdy. Sondaı-aq, EQYU Mınsk toby teń tóraǵalarynyń ortalyq róline tolyq qoldaý bildirdi.

Ázerbaıjan prezıdenti "qolaısyz" sharttar týraly aıtty

Baký Erevannyń Qarabah boıynsha kelissózde qolaısyz talaptardy alǵa tartyp otyrǵanyn málimdedi.

"Armenııa qolaısyz talaptar qoıý arqyly kelissóz proesin ádeıi buzady", – dedi Álıev "Rossııa 1" arnasynyń efırinde.

Taýly Qarabahtaǵy qaqtyǵystyń shıelenisýi

Ázerbaıjan qorǵanys mınıstrligi 27 qyrkúıekte Armenııa qarýly kúshteri shektesý syzyǵyndaǵy eldi mekenderge oq atqanyn habarlady. Onyń saldary azamattyq jáne áskerı shyǵyndarǵa ushyratqan. Al Armenııa qorǵanys mınıstrliginiń málimdemesine sáıkes, Ázerbaıjan tarapynan Qarabaqqa áýe jáne raketalyq shabýyldar jasalǵan.

Foto ashyq derekkózden alyndy.

Pikirler
Redakııa tańdaýy