شىمكەنت: “ەڭبەك” باعدارلاماسى اياسىندا 20 مىڭنان اسا ادام جۇمىسپەن قامتىلعان

1616
Adyrna.kz Telegram

شىمكەنت قالاسىندا بيىلعى 8 اي ىشىندە «ەڭبەك» باعدارلاماسى شەڭبەرىندە 20 471 ادام جۇمىسپەن قامتىلدى.

باعدارلامانىڭ ءبىرىنشى باعىتى — ينفراقۇرىلىمدى جانە تۇرعىن ءۇي-كوممۋنالدىق شارۋاشىلىقتى دامىتۋ ەسەبىنەن ازاماتتاردى جۇمىسپەن قامتۋعا ارنالعان. شىمكەنتتە وسى باعىت بويىنشا 3 196 ازاماتتى تەگىن كاسىبي وقۋعا جولداۋ جوسپارلانعان. بۇگىندە ناقتى 2 000 ادام قىسقا مەرزىمگە كاسىپتىك وقىتۋعا جولدانسا، 1 196 ادام تەحنيكالىق جانە كاسىبي ءبىلىمى بار كادرلار دايارلاۋعا جىبەرىلىپ وتىر. جوسپار 100 پروتسەنتكە ورىندالعان.

ەكىنشى باعىت — كاسىپكەرلىك باستامانى ىنتالاندىرۋعا ارنالعان. وسى باعىت بويىنشا 6819 تۇرعىنعا قولداۋ كورسەتىلەدى دەپ جوسپارلانعان. قازىرگى تاڭدا ءىس جۇزىندە 4 204 ادام قامتىلعان. ونىڭ ىشىندە «باستاۋ بيزنەس» جوباسى بويىنشا كاسىپكەرلىك نەگىزدەرگە وقىتۋعا جوسپار بويىنشا 1 850 ادامدى جولدانۋى ءتيىس ەدى. دەگەنمەن بۇگىندە 2 820 ادام وقۋعا جولدانىپ، جوسپار ارتىعىمەن ورىندالىپ وتىر. ال، 40 ادامعا شاعىن نەسيە بەرىلگەن. 1 361 ازامات مەملەكەتتىك گرانت يەگەرى اتانعان.

ءۇشىنشى باعىتتا - حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعىن ارتتىرۋ ارقىلى ەڭبەك نارىعىن دامىتۋ كوزدەلگەن. وسى باعىتقا جىل بويىنا 22 790 ادام قاتىسادى دەپ جوسپارلانعان. بۇگىنگى كۇنگە دەيىن 16 740 ادامعا جۇمىسپەن قامتۋ بويىنشا كومەك كورسەتىلدى.

اتاپ ايتقاندا، 5 755 ازامات تۇراقتى جۇمىسقا ورنالاسقان بولسا، 313 ادام الەۋمەتتىك جۇمىس ورىندارىنا جولدانعان. 2 099 ادام جاستار پراكتيكاسىنا، 4 494 ادام اقىلى قوعامدىق جۇمىستارعا تارتىلعان.

«جۇمىسپەن قامتۋ جول كارتاسى» اياسىندا 4 079 ادام جۇمىسقا ورنالاستىرىلعان.

 

شىمكەنت قالاسى اكىمىنىڭ ءباسپاسوز قىزمەتى

پىكىرلەر