Shymkent qalasynda bıylǵy 8 aı ishinde «Eńbek» baǵdarlamasy sheńberinde 20 471 adam jumyspen qamtyldy.
Baǵdarlamanyń birinshi baǵyty — ınfraqurylymdy jáne turǵyn úı-kommýnaldyq sharýashylyqty damytý esebinen azamattardy jumyspen qamtýǵa arnalǵan. Shymkentte osy baǵyt boıynsha 3 196 azamatty tegin kásibı oqýǵa joldaý josparlanǵan. Búginde naqty 2 000 adam qysqa merzimge kásiptik oqytýǵa joldansa, 1 196 adam tehnıkalyq jáne kásibı bilimi bar kadrlar daıarlaýǵa jiberilip otyr. Jospar 100 proentke oryndalǵan.
Ekinshi baǵyt — kásipkerlik bastamany yntalandyrýǵa arnalǵan. Osy baǵyt boıynsha 6819 turǵynǵa qoldaý kórsetiledi dep josparlanǵan. Qazirgi tańda is júzinde 4 204 adam qamtylǵan. Onyń ishinde «Bastaý Bıznes» jobasy boıynsha kásipkerlik negizderge oqytýǵa jospar boıynsha 1 850 adamdy joldanýy tıis edi. Degenmen búginde 2 820 adam oqýǵa joldanyp, jospar artyǵymen oryndalyp otyr. Al, 40 adamǵa shaǵyn nesıe berilgen. 1 361 azamat memlekettik grant ıegeri atanǵan.
Úshinshi baǵytta - halyqty jumyspen qamtýǵa járdemdesý jáne eńbek resýrstarynyń utqyrlyǵyn arttyrý arqyly eńbek naryǵyn damytý kózdelgen. Osy baǵytqa jyl boıyna 22 790 adam qatysady dep josparlanǵan. Búgingi kúnge deıin 16 740 adamǵa jumyspen qamtý boıynsha kómek kórsetildi.
Atap aıtqanda, 5 755 azamat turaqty jumysqa ornalasqan bolsa, 313 adam áleýmettik jumys oryndaryna joldanǵan. 2 099 adam jastar praktıkasyna, 4 494 adam aqyly qoǵamdyq jumystarǵa tartylǵan.
«Jumyspen qamtý jol kartasy» aıasynda 4 079 adam jumysqa ornalastyrylǵan.
Shymkent qalasy ákiminiń baspasóz qyzmeti
