تۇركيا مەملەكەتى بۇعان دەيىن دە باۋىرلاس ازەربايجان مەملەكەتىنىڭ تاراپىن قولدايتىنىن ايتقان بولاتىن. سوعىس جاعدايى باستالعان 27 قىركۇيەك كۇنى تۇركيا سىرتقى ىستەر ءمينيسترى ءوز ۇستانىمدارى تۋرالى تاعى دا مالىمدەمە جاسادى دەپ حابارلايدى «ادىرنا» ۇلتتىق پورتالى QHA اقپاراتتىق اگەنتتىگىنە سىلتەمە جاساپ.
تۇركيا ازەربايجان حالقىمەن بىرگە، ءبىزدىڭ جۇرەگىمىز دە تۇركى باۋىرلارىمىزبەن بىرگە سوعادى دەلىنگەن رەسمي مالىمدەمەدە. بۇل ۇستانىمدارى تۋرالى بۇعان دەيىن دە تۇركيا پرەزيدەنتى رەجەپ تايىپ ەردوعان اشىق ايتقان بولاتىن.
«بۇگىن تاڭەرتەڭ ارمەنيا اسكەري كۇشى ازەربايجان اسكەرىنە قارسى وق جاۋدىرعانىن بىلدىك. ارميان تاراپىنىڭ بۇل ارەكەتى حالىقارالىق قۇقىقتىق تالاپتاردى بۇزۋ بولىپ تابىلادى دەپ سانايمىز. ارميان اسكەرىنىڭ اتقان وعىنان قازا بولعان باۋىرلارىمىز بار. ارمەنيا ءوزىنىڭ وسى ارەكەتىمەن الەمدەگى تۇراقتىلىقتى بۇزۋشى ەل ەكەنىن كورسەتتى.
ءبىز ازەربايجان باۋىرلارىمىزبەن قانداي جاعداي بولسا دا، بىرگەمىز! شەيىت بولعان باۋىرلارىمىزدى اللا پاناسىنا السىن!» دەپ جازىلعان رەسمي مالىمدەمەدە.
