Túrkııa memleketi buǵan deıin de baýyrlas Ázerbaıjan memleketiniń tarapyn qoldaıtynyn aıtqan bolatyn. Soǵys jaǵdaıy bastalǵan 27 qyrkúıek kúni Túrkııa Syrtqy ister mınıstri óz ustanymdary týraly taǵy da málimdeme jasady dep habarlaıdy «Adyrna» ulttyq portaly QHA aqparattyq agenttigine silteme jasap.
Túrkııa Ázerbaıjan halqymen birge, bizdiń júregimiz de túrki baýyrlarymyzben birge soǵady delingen resmı málimdemede. Bul ustanymdary týraly buǵan deıin de Túrkııa prezıdenti Rejep Taıyp ERDOǴAN ashyq aıtqan bolatyn.
«Búgin tańerteń Armenııa áskerı kúshi ázerbaıjan áskerine qarsy oq jaýdyrǵanyn bildik. Armıan tarapynyń bul áreketi halyqaralyq quqyqtyq talaptardy buzý bolyp tabylady dep sanaımyz. Armıan áskeriniń atqan oǵynan qaza bolǵan baýyrlarymyz bar. Armenııa óziniń osy áreketimen álemdegi turaqtylyqty buzýshy el ekenin kórsetti.
Biz Ázerbaıjan baýyrlarymyzben qandaı jaǵdaı bolsa da, birgemiz! Sheıit bolǵan baýyrlarymyzdy Alla panasyna alsyn!» dep jazylǵan resmı málimdemede.
