Kaspi.kz قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىمەن بىرلەسىپ جاڭا سەرۆيستى ىسكە قوستى. ەندى كليەنتتەر ايىپپۇل سالىنعان جول قوزعالىسى ەرەجەسىن بۇزۋ ءساتىنىڭ ۆيدەوسىن كورە الادى.
ۆيدەونى ايىپپۇلدى تولەۋ پاراقشاسىندا سۇراتۋعا بولادى. مەملەكەتتىك ورگان سۇراۋدى وڭدەگەننەن كەيىن كليەنتكە Kaspi.kz قوسىمشاسىندا حابارلاما كەلەدى.
ۆيدەو قوسىمشادا 7 كۇن بويى قولجەتىمدى. ايىپپۇل تولەنگەننەن كەيىن دە ۆيدەونى تولەمدەر تاريحىنان كورۋگە بولادى.
جاڭا سەرۆيس تۋرالى تولىعىراق اقپارات — Kaspi گيدتە.
Kaspi.kz ميسسياسى — سۇيىكتى كليەنتتەر مەن سەرىكتەستەردىڭ ءومىرىن جاقسارتاتىن يننوۆاتسيالىق ونىمدەر مەن سەرۆيستەر ازىرلەۋ.
Kaspi.kz سەرۆيستەرىن قازاقستان مەن تۇركيادا 26 ميلليوننان استام كليەنت جانە 1 ميلليونعا جۋىق سەرىكتەس پايدالانادى. قازاقستاندا Kaspi.kz سۋپەرقوسىمشاسى تولەمدەردى، ەلەكتروندىق كوممەرتسيانى، ونلاين-سۋپەرماركەتتى، فينتەحتى، ساياحاتتى، حابارلاندىرۋلاردى، مەملەكەتتىك قىزمەتتەردى جانە كۇندەلىكتى قولدانىلاتىن باسقا دا سەرۆيستەردى بىرىكتىرەدى. تۇركيادا Kaspi.kz ەلدەگى جەتەكشى ەلەكتروندىق كوممەرتسيا پلاتفورمالارىنىڭ ءبىرى — Hepsiburada-عا يەلىك ەتەدى.
