جاپون فەرمەرى 410 كەلىدەن اساتىن اسقاباق ءوسىردى

2004
Adyrna.kz Telegram

ەحيمو پرەفەكتۋراسىنىڭ فەرمەرى حيرويوسي ۋتسۋنوميانىڭ سالماعى 410,3 كەلى اسقاباعى جەكسەنبىدە وتكەن بايقاۋدا جاپونيادا وسىرىلگەن ەڭ ۇلكەن اسقاباق رەتىندە تانىلدى. بۇل تۋرالى "ادىرنا" ءتىلشىسى كيودو اگەنتتىگىنە سىلتەمە جاساپ حابارلايدى.

بۇل 68 جاستاعى ۋتسۋنوميانىڭ ەكىنشى جەڭىسى. ءبىر قىزىعى، ول اسقاباقتى موتسارت اۋەنىنىڭ كومەگىمەن وسىرگەن.

2018 جىلى سالماعى 412, 6 كەلىلىك اسقاباقتى ءوسىرىپ، ءبىرىنشى رەت جەڭىسكە جەتكەن شارۋا ونى جاپونيانىڭ ءداستۇرلى «ەنكا» باللادالارى ارقىلى باپتاعانىن ايتقان ەدى.

بايقاۋعا قاتىسقان توعىز پرەفەكتۋرانىڭ 51 قاتىسۋشىسى اراسىنان ەكىنشى ورىندى ەلدىڭ شىعىسىنداعى تيبا پرەفەكتۋراسىنىڭ تۇرعىنى اكيرا نيسيكاۆا ەنشىلەدى. ونىڭ اسقاباعى 385 كەلى تارتتى، ال ءۇشىنشى ورىن – ورتالىق جاپونيانىڭ ميە پرەفەكتۋراسىنىڭ تۇرعىنى توشياكي سيراكيگە بۇيىردى (334 كەلى).

ايتا كەتەر جايت، سەتو ىشكى ارالىندا وتكىزىلگەن 34-ءشى شارانىڭ قاتىسۋشىلارى COVID-19 پاندەمياسىنا بايلانىستى بۇل جولى اسقاباقتاردى بايقاۋعا اكەلمەي، ولاردىڭ بەينەجازبالارىن ۇسىنعان.

"ادىرنا" ۇلتتىق پورتالى

 

پىكىرلەر