Japon fermeri 410 keliden asatyn asqabaq ósirdi

2007
Adyrna.kz Telegram

Ehımo prefektýrasynyń fermeri Hıroıosı Ýýnomııanyń salmaǵy 410,3 keli asqabaǵy jeksenbide ótken baıqaýda Japonııada ósirilgen eń úlken asqabaq retinde tanyldy. Bul týraly "Adyrna" tilshisi Kıodo agenttigine silteme jasap habarlaıdy.

Bul 68 jastaǵy Ýýnomııanyń ekinshi jeńisi. Bir qyzyǵy, ol asqabaqty Moart áýeniniń kómegimen ósirgen.

2018 jyly salmaǵy 412, 6 kelilik asqabaqty ósirip, birinshi ret jeńiske jetken sharýa ony Japonııanyń dástúrli «enka» balladalary arqyly baptaǵanyn aıtqan edi.

Baıqaýǵa qatysqan toǵyz prefektýranyń 51 qatysýshysy arasynan ekinshi oryndy eldiń shyǵysyndaǵy Tıba prefektýrasynyń turǵyny Akıra Nısıkava enshiledi. Onyń asqabaǵy 385 keli tartty, al úshinshi oryn – ortalyq Japonııanyń Mıe prefektýrasynyń turǵyny Toshıakı Sırakıge buıyrdy (334 keli).

Aıta keter jaıt, Seto ishki aralynda ótkizilgen 34-shi sharanyń qatysýshylary COVID-19 pandemııasyna baılanysty bul joly asqabaqtardy baıqaýǵa ákelmeı, olardyń beınejazbalaryn usynǵan.

"Adyrna" ulttyq portaly

 

Pikirler