شىمكەنتتە «NUR OTAN» پارتياسى پرايمەريزىنىڭ قاتىسۋشىلارى اراسىندا اشىق پىكىرسايىستار باستالدى. بۇگىنگى تاڭدا پرايمەريزگە قالا بويىنشا 173 ازامات قاتىسۋدا.
پرايمەريزدىڭ ءۇشىنشى كەزەڭىندەگى العاشقى دەباتتار اباي اۋدانىندا كۇنىنە 2 مەزگىل وتكىزىلىپ، وعان 28 ۇمىتكەر قاتىستى.
بۇگىن "Nur Otan" پارتياسى شىمكەنت قالالىق فيليالىنىڭ توراعاسى، قالا اكىمى مۇرات ايتەنوۆ بۇل پىكىرسايىستىڭ ماڭىزدىلىعىنا توقتالىپ، قاتىسۋشىلارعا ساتتىلىك تىلەدى.
— پارتيا توراعاسى نۇرسۇلتان نازارباەۆتىڭ بۇل باستاماسى – ادالدىق پەن اشىقتىقتىڭ كەرەمەت ۇلگىسىن كورسەتىپ وتىر. وسى قادامى ارقىلى پارتيا ءوزىنىڭ اشىقتىقتى قولدايتىنىن جانە حالىقپەن بىرگە ەكەنىن كورسەتتى. اشىق ديالوگ كەزىندە نازارعا الىپ، قولدانىسقا ەنگىزۋگە بولاتىن ۇتىمدى ۇسىنىستار دا ايتىلىپ جاتىر. ساياسي دوداعا قاتىسىپ جاتقان بارشا ارىپتەستەرگە ساتتىلىك تىلەيمىن، - دەدى فيليال توراعاسى.
ايتا كەتەيىك، 7 - 14 قىركۇيەك ارالىعىندا پارتياىشىلىك ىرىكتەۋدىڭ ەكىنشى، ياعني، ۇگىت-ناسيحات كەزەڭى ءوتتى. ەكىنشى كەزەڭدە شىمكەنتتە پارتيا مۇشەلەرىمەن 570 كەزدەسۋ ۇيىمداستىرىلدى. ونىڭ 239-ى ونلاين-فورماتتا ءوتتى. كەزدەسۋلەرگە پارتيانىڭ 21 مىڭنان استام مۇشەسى قاتىستى. سونىمەن قاتار بۇقارالىق اقپارات قۇرالدارىندا جانە الەۋمەتتىك جەلىلەردە ناسيحات جۇمىستارى بەلسەندى تۇردە جۇرگىزىلگەن.
ال، 14 قىركۇيەكتەن باستاپ اشىق پىكىرسايىستار وتۋدە. بۇل كەزەڭ 30 قىركۇيەككە دەيىن جالعاسادى. پىكىرسايىستىڭ ءتارتىبى جەرەبە بويىنشا انىقتالعان. اقپاراتتىڭ اشىقتىعى مەن قولجەتىمدىلىگىن قامتاماسىز ەتۋ ءۇشىن جارىسسوزدەر كەستەسى مەن وتەتىن ورنى Primaries ۆەب-سايتىندا جانە پارتيا فيليالىنىڭ رەسمي اككاۋنتتارىندا جاريالانۋدا.
پىكىرسايىستار پارتيا فيليالىنىڭ رەسمي اككاۋنتتارى ارقىلى تىكەلەي ەفيردە كورسەتىلىپ جاتىر.
دەباتتار ەپيدەميولوگيالىق جاعدايدى ەسكەرە وتىرىپ وتكىزىلۋدە. بولمەلەردە زارارسىزداندىرعىش زاتتار ورناتىلعان. سونداي-اق، قاتىسۋشىلار مەن كورەرمەندەرگە مەديتسينالىق ماسكا ۇلەستىرىلىپ، كىرەبەرىستە كونتاكتىسىز تاسىلمەن دەنە قىزۋى تەكسەرىلۋدە.
شىمكەنت قالاسى اكىمىنىڭ ءباسپاسوز قىزمەتى
