Shymkentte «NUR OTAN» partııasy praımerıziniń qatysýshylary arasynda ashyq pikirsaıystar bastaldy. Búgingi tańda praımerızge qala boıynsha 173 azamat qatysýda.
Praımerızdiń úshinshi kezeńindegi alǵashqy debattar Abaı aýdanynda kúnine 2 mezgil ótkizilip, oǵan 28 úmitker qatysty.
Búgin "Nur Otan" partııasy Shymkent qalalyq fılıalynyń tóraǵasy, qala ákimi Murat Áıtenov bul pikirsaıystyń mańyzdylyǵyna toqtalyp, qatysýshylarǵa sáttilik tiledi.
— Partııa tóraǵasy Nursultan Nazarbaevtyń bul bastamasy – adaldyq pen ashyqtyqtyń keremet úlgisin kórsetip otyr. Osy qadamy arqyly partııa óziniń ashyqtyqty qoldaıtynyn jáne halyqpen birge ekenin kórsetti. Ashyq dıalog kezinde nazarǵa alyp, qoldanysqa engizýge bolatyn utymdy usynystar da aıtylyp jatyr. Saıası dodaǵa qatysyp jatqan barsha áriptesterge sáttilik tileımin, - dedi fılıal tóraǵasy.
Aıta keteıik, 7 - 14 qyrkúıek aralyǵynda partııaishilik irikteýdiń ekinshi, ıaǵnı, úgit-nasıhat kezeńi ótti. Ekinshi kezeńde Shymkentte partııa múshelerimen 570 kezdesý uıymdastyryldy. Onyń 239-y onlaın-formatta ótti. Kezdesýlerge partııanyń 21 myńnan astam múshesi qatysty. Sonymen qatar buqaralyq aqparat quraldarynda jáne áleýmettik jelilerde nasıhat jumystary belsendi túrde júrgizilgen.
Al, 14 qyrkúıekten bastap ashyq pikirsaıystar ótýde. Bul kezeń 30 qyrkúıekke deıin jalǵasady. Pikirsaıystyń tártibi jerebe boıynsha anyqtalǵan. Aqparattyń ashyqtyǵy men qoljetimdiligin qamtamasyz etý úshin jaryssózder kestesi men ótetin orny Primaries veb-saıtynda jáne partııa fılıalynyń resmı akkaýnttarynda jarııalanýda.
Pikirsaıystar partııa fılıalynyń resmı akkaýnttary arqyly tikeleı efırde kórsetilip jatyr.
Debattar epıdemıologııalyq jaǵdaıdy eskere otyryp ótkizilýde. Bólmelerde zararsyzdandyrǵysh zattar ornatylǵan. Sondaı-aq, qatysýshylar men kórermenderge medıınalyq maska úlestirilip, kireberiste kontaktisiz tásilmen dene qyzýy tekserilýde.
Shymkent qalasy ákiminiń baspasóz qyzmeti
