بۇل تۋرالى ءىىم تەرگەۋ دەپارتامەنتىنىڭ باستىعى سانجار ءادىلوۆ قارجى پيراميدالارىنا قاتىستى وتكەن ونلاين بريفينگ بارىسىندا ايتتى دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.
قارجى پيراميداسىن قۇرۋداعى قىلمىستار ارقاشان قوعامدىق پىكىرتالاس تۋدىرادى. سوندىقتان ىشكى ىستەر ورگانى وسى زاڭ بۇزۋشىلىققا قارسى كۇرەستى باسىمدىققا الادى. جىل باسىنان بەرى ىشكى ىستەر ورگانى قارجى پيراميداسىن ۇيىمداستىرۋ بويىنشا 217 قىلمىستىق ءىستى تەرگەدى. ونىڭ ىشىندە 116-سى سوتقا باعىتتالدى. قىلمىستىق جاۋاپكەرشىلىككە بۇگىندە 79 كۇدىكتى ادام تارتىلىپ وتىر، - دەدى ءادىلوۆ.
دەپارتامەنت باستىعى اتاپ وتكەندەي، قازىر تەرگەۋ ورگانى قارجى پيراميدالارى ۇيىمدارىنا قاتىستى 13 قىلمىستىق ءىستى تەرگەپ جاتىر.
ماسەلەن، «گارانت 24 لومبارد» جشس، «ەSTATE لومبارد» جانە «پايدالى قارىز» ۇيىمدارى. ولارعا قاتىستى 17 مىڭ ازامات ارىز جازعان. ولار 22 ملرد تەڭگەگە ماتەريالدىق شىعىن كەلتىرگەن. وسى ۇيىمداردىڭ جەتەكشىلەرىنە قاتىستى 32 قىلمىستىق ءىس قوزعالدى. قىلمىستىق جاۋاپكەرشىلىككە 52 كۇدىكتى تارتىلىپ وتىر. 7 كۇدىكتىگە ىزدەۋ سالىندى، - دەدى ول.
ول اتاپ وتكەندەي، قارجى پيراميدالارىن قۇرۋعا قاتىستى شارالار شەتەلگە قاشىپ كەتكەن كۇدىكتىلەردى ۇستاۋعا دا باعىتتالعان.
مولدوۆا مەن رەسەي، قىرعىزستاننان ۇلتتىق گۆارديانىڭ ارنايى بورتىمەن 3 كۇدىكتى ەلگە جەتكىزىلدى. تەرگەۋ المالدارى جۇرگىزىلىپ جاتىر. ولاردان 70 ملن تەڭگە اقشا تابىلدى. كۇدىكتىلەردىڭ تۇتقىندالعان مۇلىگىنىڭ جالپى سوماسى 2 ملرد تەڭگەگە باعالانىپ وتىر، - دەدى ول.
