Bul týraly IIM Tergeý departamentiniń bastyǵy Sanjar Ádilov qarjy pıramıdalaryna qatysty ótken onlaın brıfıng barysynda aıtty dep habarlaıdy «Adyrna» ulttyq portaly Baq.kz saıtyna silteme jasap.
Qarjy pıramıdasyn qurýdaǵy qylmystar árqashan qoǵamdyq pikirtalas týdyrady. Sondyqtan ishki ister organy osy zań buzýshylyqqa qarsy kúresti basymdyqqa alady. Jyl basynan beri ishki ister organy qarjy pıramıdasyn uıymdastyrý boıynsha 217 qylmystyq isti tergedi. Onyń ishinde 116-sy sotqa baǵyttaldy. Qylmystyq jaýapkershilikke búginde 79 kúdikti adam tartylyp otyr, - dedi Ádilov.
Departament bastyǵy atap ótkendeı, qazir tergeý organy qarjy pıramıdalary uıymdaryna qatysty 13 qylmystyq isti tergep jatyr.
Máselen, «Garant 24 lombard» JShS, «ESTATE Lombard» jáne «Paıdaly qaryz» uıymdary. Olarǵa qatysty 17 myń azamat aryz jazǵan. Olar 22 mlrd teńgege materıaldyq shyǵyn keltirgen. Osy uıymdardyń jetekshilerine qatysty 32 qylmystyq is qozǵaldy. Qylmystyq jaýapkershilikke 52 kúdikti tartylyp otyr. 7 kúdiktige izdeý salyndy, - dedi ol.
Ol atap ótkendeı, qarjy pıramıdalaryn qurýǵa qatysty sharalar shetelge qashyp ketken kúdiktilerdi ustaýǵa da baǵyttalǵan.
Moldova men Reseı, Qyrǵyzstannan Ulttyq gvardııanyń arnaıy bortymen 3 kúdikti elge jetkizildi. Tergeý almaldary júrgizilip jatyr. Olardan 70 mln teńge aqsha tabyldy. Kúdiktilerdiń tutqyndalǵan múliginiń jalpy somasy 2 mlrd teńgege baǵalanyp otyr, - dedi ol.
