امەريكالىق Sandvine كومپانياسى بەلارۋسسيا بيلىگىنە پرەزيدەنت سايلاۋى كەزىندە ەلدەگى ۆەب-سايتتاردى بۇعاتتاۋ تەحنولوگياسىن ۇسىندى دەپ بولجانۋدا. بۇل تۋرالى «ادىرنا» ۇلتتىق پورتالى Bloomberg اقپارات كوزدەرىنە سىلتەمە جاساپ حابارلايدى.
Sandvine Bloomberg-كە تۇسىنىكتەمە بەرۋدەن باس تارتتى. اگەنتتىكتىڭ سۇراۋىنا بەلارۋس ءىىم دە جاۋاپ بەرمەگەن.
بەلارۋسسيادا ينتەرنەت ماسەلەسى 9 تامىزداعى پرەزيدەنت سايلاۋىنان كەيىن باستالدى. اتاپ ايتقاندا، ناشار بايلانىس سالدارىنان اقپاراتتىق سايتتاردىڭ جۇمىسى ناشارلاپ، ىزدەۋ جۇيەلەرى مەن YouTube جەلىسى، مەسسەندجەرلەر ىستەن شىقتى. 12 تامىز كۇنى تاڭەرتەڭ مينسكىدە ءموبيلدى ينتەرنەت پەن الەۋمەتتىك جەلىلەردىڭ جۇمىسى قايتا قالىپقا كەلگەن.
رەسپۋبليكانىڭ بايلانىس جانە اقپاراتتاندىرۋ مينيسترلىگى حابارلاعانداي، 9-11 تامىز ارالىعىندا "بەلارۋس وپەراتورلارىنىڭ ەلەكتر بايلانىسى جەلىلەرىنىڭ ينفراقۇرىلىمىنا جانە مەملەكەتتىك ورگاندار مەن ۇيىمداردىڭ سايتتارىنا كوپتەگەن كيبەرشابۋىلدارعا بايلانىستى ابونەنتتەردىڭ ينتەرنەت جەلىسىنىڭ سەرۆيستەرى مەن رەسۋرستارىنا قول جەتكىزۋىنە ايتارلىقتاي شەكتەۋ قويىلدى".
سونىمەن قاتار، بەلارۋسسيانىڭ A1 ءموبيلدى وپەراتورلارىنىڭ ءبىرى ۇلتتىق قاۋىپسىزدىكتى قامتاماسىز ەتۋ ءۇشىن مەملەكەتتىك ورگانداردىڭ ءوتىنىشى بويىنشا مينسكىدەگى 3G جەلىسىنىڭ قابىلەتىن بىرنەشە رەت تومەندەتكەن. كەيىنىرەك وپەراتور ينتەرنەتكە كىرۋدى قالپىنا كەلتىرەتىنىن مالىمدەگەن.
سونداي-اق، اقپارات مينيسترلىگى مەديا جانە ساياسي قوزعالىستاردىڭ بىرقاتار سايتتارىنىڭ جۇمىسىنا ايتارلىقتاي كەلتىرگەن. Tut.by بەلارۋس پورتالىنىڭ دەرەكتەرى بويىنشا، ىستەن شىققان سايتتار تىزىمىندە 70-تەن استام رەسۋرس، سونىڭ ىشىندە تانىمال VPN قىزمەتتەرىنىڭ سايتتارى بار.
فوتو اشىق دەرەككوزدەن الىندى
«ادىرنا» ۇلتتىق پورتالى
