Amerıkalyq Sandvine kompanııasy Belarýssııa bıligine Prezıdent saılaýy kezinde eldegi veb-saıttardy buǵattaý tehnologııasyn usyndy dep boljanýda. Bul týraly «Adyrna» ulttyq portaly Bloomberg aqparat kózderine silteme jasap habarlaıdy.
Sandvine Bloomberg-ke túsinikteme berýden bas tartty. Agenttiktiń suraýyna Belarýs IIM de jaýap bermegen.
Belarýssııada ınternet máselesi 9 tamyzdaǵy prezıdent saılaýynan keıin bastaldy. Atap aıtqanda, nashar baılanys saldarynan aqparattyq saıttardyń jumysy nasharlap, izdeý júıeleri men YouTube jelisi, messendjerler isten shyqty. 12 tamyz kúni tańerteń Mınskide mobıldi ınternet pen áleýmettik jelilerdiń jumysy qaıta qalypqa kelgen.
Respýblıkanyń baılanys jáne aqparattandyrý mınıstrligi habarlaǵandaı, 9-11 tamyz aralyǵynda "Belarýs operatorlarynyń elektr baılanysy jelileriniń ınfraqurylymyna jáne memlekettik organdar men uıymdardyń saıttaryna kóptegen kıbershabýyldarǵa baılanysty abonentterdiń ınternet jelisiniń servısteri men resýrstaryna qol jetkizýine aıtarlyqtaı shekteý qoıyldy".
Sonymen qatar, Belarýssııanyń A1 mobıldi operatorlarynyń biri ulttyq qaýipsizdikti qamtamasyz etý úshin memlekettik organdardyń ótinishi boıynsha Mınskidegi 3G jelisiniń qabiletin birneshe ret tómendetken. Keıinirek operator Internetke kirýdi qalpyna keltiretinin málimdegen.
Sondaı-aq, Aqparat mınıstrligi medıa jáne saıası qozǵalystardyń birqatar saıttarynyń jumysyna aıtarlyqtaı keltirgen. Tut.by Belarýs portalynyń derekteri boıynsha, isten shyqqan saıttar tiziminde 70-ten astam resýrs, sonyń ishinde tanymal VPN qyzmetteriniń saıttary bar.
Foto ashyq derekkózden alyndy
«Adyrna» ulttyq portaly
