ءيا، راسىمەن مەن كىممىن ءوزى؟ نەگىزىنەن بالا كۇنىمىزدە ءبىز «مەن كىممىن» دەگەن سۇراقتىڭ جاۋابىن تابۋ ءۇشىن مەكتەپ تابالدىرىعىن اتتايمىز. ءوزىمىزدىڭ قابىلەتتەرىمىزبەن، وزىمىزبەن تانىسىپ شىعامىز. ياعني مەكتەپ ءار بالانىڭ قابىلەتىن اشا بىلەتىن، ارينە ەڭ الدىمەن بىلىممەن سۋسىندايتىن وردا. بىراق مەكتەپ بىتىرگەن جاس تۇلەكەتەر نە سەبەپتى ءوزىن الى تابا الماي ءجۇر؟ نەلىكتەن ءوزىنىڭ ناقتى قالاۋىن، قانداي مامان بولارىن بىلمەيدى؟
ەندى، ءبىز، ەرەسەك جاندار، سول مەكتەپ تابالدىرىعىن ەندى اتتاعان بوبەكتەرگە، بارلىعىن اشىق ايتىپ، وسى باستان كىم بولاتىنىن سۇراپ، قابىلەتتەرىن انىقتاۋ ءۇشىن ءتۇرلى شارالاردان قالدىرماي، بالانىڭ ىنتاسىن اشۋعا ءتيىسپىز. سول ءۇشىن اتا-انا بالاسىن بالا باقشا مەن مەكەتپكە بەرىپ، بولاشاعىنا ىقپال ەتكىزەدى.
قازىر جاسوسپىرىمدەردىڭ كوبى قانداي مامان بولامىن دەپ ەمەس، قايدا گرانت كوپ، سوندا جۇگىرەدى. كىم بولارىن انىقتاي الماي، ءوزىنىڭ قالامايتىن ماماندىعىن تاڭداپ، ونى اياعىنا اپارا الماي ءالى كەتىپ، اياعى سۋيتسيدكە بارىپ جاتادى. ءوزىنىڭ قالاۋىن تاپپاعان، اتا-اناسىنىڭ نەمەسە باسقانىڭ ايتۋىمەن وقۋعا تۇسە سالعان جەتكىنشەكتەردەن قۇلىقسىز، قۇلشىنىسى تومەن ماماندار شىعادى.
وسىنداي دۇنيەلەردىڭ الدىن الۋ ءۇشىن، مۇعالىمدەرىمىزدىڭ ەرىك جىگەرى مىقتى بولسا دەيمىن. اسىرەسە اۋىل مەن اۋدان مەكتەپتەرىندە ءبىلىمدى نىعايتسا. مۇعالىمدەرگە تەك قاعازبەن باس قاتىرماي، بالامەن باس قاتىرىپ، الدىنداعى 15-20 بالانىڭ قابىلەتىن انىقتاپ، تىكەلەي سولارمەن دۇرىس جۇمىس ىستەۋگە مۇمكىندىك بەرسە، مىقتى ماماندار مىندەتتى تۇردە شىعادى عوي.
سونىمەن قاتار مەكتەپتەگى كەيبىر پاندەردى جاڭاشالاندىرۋعا كۇش سالۋ كەرەك. مىسالى، ءوزىن ءوزى تانۋ ءپانىنىڭ دەڭگەيىن كوتەرىپ، پسيحولوگيا دەگەن بىلدەي ءپان بولۋى ءتيىس دەپ ويلايمىن. سەبەبى پسيحولوگيالىق تۇرعىدا دامىعان بالانىڭ بولاشاعى جارقىن بولادى. بۇلارعا قوسا باستاۋىش سىنىپتان باستاپ «مەنىڭ ماماندىعىم» ىسپەتتى تەگىن ۇيىرمەلەردى كوپتەپ اشۋ كەرەك.
قازىر زاماننىڭ جاڭاشالانىپ كەلە جاتقانىنا وراي كوپ جاقسىلىقتان ءۇمىتتىمىز. ءار جەكە تۇلعا، ءوزىنىڭ قالاۋىن تابۋى ءتيىس، ءوزىنىڭ ماماندىعىن تاپقاندا عانا ادام بالاسى، ەلىنىڭ بولاشاعىنا تىكەلەي ات سالىساتىن بىلىكتى مامان بولادى. وسىلاي باقىتقا كەنەلەدى.
دينارا احمەت،
ءال-فارابي اتىنداعى قازۇۋ كوللەدجىنىڭ 3 كۋرس ستۋدەنتى
