ستۋدەنت جاستاردىڭ پسيحولوگياسى

5536
Adyrna.kz Telegram

ستۋدەنتتىك جاس (18-25) ادام ءومىرىنىڭ ەرەكشە ءبىر كەزەڭى. ونىڭ ەرەكشەلىگىنىڭ ءوزى تۇلعا دامۋىنىڭ جالپى مانىنە جانە نەگىزگى زاڭدىلىقتارىنا ساي 18-دەن 25-كە دەيىنگى جاس ارالىعى ادامنىڭ كەمەلدەنۋ كەزەڭىندە.

ستۋدەنتتەر-جوعارعى وقۋ ورىندارىندا ۇيىمداسقان، بىرىكتىرىلگەن وزىندىك ەرەكشەلىگى بار جاستار قاۋىمداستىعى، ەرەكشە الەۋمەتتىك توپ. الەۋمەتتىك پسيحولوگيالىق تۇرعىدان ستۋدەنتتەر حالىقتىڭ وزگە توپتارىمەن سالىستىرعاندا ءبىلىم دەڭگەيىنىڭ، مادەنيەت مۇرالارىن پايدالانۋداعى بەلسەندىلىگىمەن جانە تانىمدىق دەڭگەيىنىڭ جوعارلىلىعىمەن ەرەكشەلەنەدى. جەكە ىستەستىك بارىسىندا ستۋدەنت بەلسەندى، وزدىگىنەن ءوز ءىسىن ۇيىمداستىرا الاتىن، پەداگوگيكالىق قارىم-قاتىناس سۋبەكتىسى رەتىندە قاراستىرىلادى. وعان تانىمدىق جانە بەلگىلى ءبىر كاسىبي باعىتتالعان مىندەتتەردى شەشۋى، قارىم-قاتىناستىق بەلسەندىلىك ەرەكشەلىكتەرى ءتان. ستۋدەنتتەر ءۇشىن نەگىزگى وقۋ فورماسى تاڭبالى كونتەكستىك بولىپ تابىلادى.

الەۋمەتتىك پسيحولوگيالىق تۇرعىدان ستۋدەنتتەر حالىقتىڭ وزگە توپتارىمەن سالىستىرعاندا ءبىلىم دەڭگەيىنىڭ، مادەنيەت مۇرالارىن پايدالانۋداعى بەلسەندىلىگىمەن جانە تانىمدىق دەڭگەيىنىڭ جوعارلىلىعىمەن ەرەكشەلەنەدى. سونىمەن قاتار ستۋدەنتتەر ينتەللەكتۋالدى جانە الەۋمەتتى تولىسۋى ۇيلەسكەن، الەۋمەتتىك بەلسەندىلىگى وتە جوعارى توپ بولىپ سيپاتتالادى. ستۋدەنتتەردىڭ وسى ەرەكشەلىكتەرىنىڭ نەگىزى مۇعالىمنىڭ ءار ستۋدەنتكە سەرىكتەسى ءتارىزدى، تارتىمدى تۇلعا رەتىندە قاراپ، وندا پەداگوگيكالىق قارىم-قاتىناستى ورناتا بىلۋىندە.جەكە ىستەستىك بارىسىندا ستۋدەنت بەلسەندى، وزدىگىنەن ءوز ءىسىن ۇيىمداستىرا الاتىن، پەداگوگيكالىق قارىم-قاتىناس سۋبەكتىسى رەتىندە قاراستىرىلادى. وعان تانىمدىق جانە بەلگىلى ءبىر كاسىبي باعىتتالعان مىندەتتەردى شەشۋى، قارىم-قاتىناستىق بەلسەندىلىك ەرەكشەلىكتەرى ءتان. ستۋدەنتتەر ءۇشىن نەگىزگى وقۋ فورماسى تاڭبالى كونتەكستىك بولىپ تابىلادى.

ادام ءومىرىنىڭ وسى كەزەڭدەگى دامۋى، بەلگىلى ءبىر ەكونوميكالىق تاۋەلسىزدىكتىڭ قالىپتاسۋىمەن اتا-انا ۇيىنەن ءبولىنىپ جەكە وتباسىن قۇرۋىمەن سيپاتتالاتىن ستۋدەنت ءۇشىن، الەۋمەتتىك-پسيحولوگيالىق زور ماڭىزى بار.

ستۋدەنتتىك كەزەڭ ادامنىڭ جان-جاقتى جەتىلىپ تۇلعا رەتىندە قالىپتاسۋىنىڭ نەگىزگى كەزەڭى. بۇل سپورتتىق رەكوردتار، مادەني تەحنيكالىق جانە عىلىمي جەتىستىكتەرگە قول جەتكىزەتىن ايتۋلى شاق، ادامنىڭ بولاشاق مامان رەتىندە الەۋمەتتىك بەلسەندىلىگى ارتاتىن ياعني جوعارى مەكتەپ مۇعالىمدەرىنىڭ ستۋدەنتتەرمەن قارىم-قاتىناسى ەرەكشەلەنەتىن كەزەڭ.

سونىمەن ستۋدەنت تۇلعاسىنىڭ قالىپتاسۋىندا وقىتۋشىمەن ءوزارا دۇرىس قارىم – قاتىناس ۇلكەن ءرول اتقارادى. بىراق كەيدە وسى كۇردەلى قارىم – قاتىناستا قاراما – قايشىلىقتار، كەدەرگىلەر ناتيجەسىندەگى كونفليكتىلەر، تۇلعاارالىق تۇسىنىسپەۋشىلىكتەر ءجيى تۋىندايدى. وسى ماسەلەنى انىقتاۋ بارىسىندا ارنايى جۇرگىزىلگەن پسيحولوگيالىق زەرتتەۋلەر ستۋدەنتتەر مەن وقىتۋشىلار ءوزارا قاتىناسىندا ەموتسيونالدى جانە تۇلعاارالىق تۇسىنىسپەۋشىلىك تۇرعىسىندا ارقيلى كەدەرگىلەردىڭ بولاتىندىعىن انىقتادى. ارينە، مۇنداي ماسەلەنىڭ تۇپكى سەبەپتەرىن پسيحولوگيالىق جاعىنان تەرەڭىرەك زەرتتەۋ ءتالىم – تاربيە ىسىندەگى ماڭىزدى ماسەلە بولىپ سانالادى.

جاستىق الەۋمەتتىك قاجەتتىلىكپەن ەرەكشەلەنەدى. بۇل جاس كەزىندە قارىم – قاتىناستا ۇلكەن بەلسەندىلىك تانىتادى. ستۋدەنت كەزەڭىندە تۇلعا ساناسىز تۇردە توپ اراسىندا دوستىق قارىم – قاتىناس باسقا تۇلعامەن ورناتۋعا تىرىسادى. ون سەگىز – جيىرما ءۇش جاس ارالىعىندا تۇلعالىق جەتىلۋدىڭ ەڭ شىڭى بولىپ تابىلادى.سوندىقتان وسى كەزەڭدە تاربيلەنۋشى جاسقا پسيحولوگيالىق كۇش جانە ۇلكەندەر تاراپىنان قولداۋ قاجەت.

 

 

    ارۋجان ءابدىراحمان

پىكىرلەر