Iá, rasymen men kimmin ózi? Negizinen bala kúnimizde biz «men kimmin» degen suraqtyń jaýabyn tabý úshin mektep tabaldyryǵyn attaımyz. Ózimizdiń qabiletterimizben, ózimizben tanysyp shyǵamyz. Iaǵnı mektep ár balanyń qabiletin asha biletin, árıne eń aldymen bilimmen sýsyndaıtyn orda. Biraq mektep bitirgen jas túleketer ne sebepti ózin áli taba almaı júr? Nelikten óziniń naqty qalaýyn, qandaı maman bolaryn bilmeıdi?
Endi, biz, eresek jandar, sol mektep tabaldyryǵyn endi attaǵan bóbekterge, barlyǵyn ashyq aıtyp, osy bastan kim bolatynyn surap, qabiletterin anyqtaý úshin túrli sharalardan qaldyrmaı, balanyń yntasyn ashýǵa tıispiz. Sol úshin ata-ana balasyn bala baqsha men meketpke berip, bolashaǵyna yqpal etkizedi.
Qazir jasóspirimderdiń kóbi qandaı maman bolamyn dep emes, qaıda grant kóp, sonda júgiredi. Kim bolaryn anyqtaı almaı, óziniń qalamaıtyn mamandyǵyn tańdap, ony aıaǵyna apara almaı áli ketip, aıaǵy sýııdke baryp jatady. Óziniń qalaýyn tappaǵan, ata-anasynyń nemese basqanyń aıtýymen oqýǵa túse salǵan jetkinshekterden qulyqsyz, qulshynysy tómen mamandar shyǵady.
Osyndaı dúnıelerdiń aldyn alý úshin, muǵalimderimizdiń erik jigeri myqty bolsa deımin. Ásirese aýyl men aýdan mektepterinde bilimdi nyǵaıtsa. Muǵalimderge tek qaǵazben bas qatyrmaı, balamen bas qatyryp, aldyndaǵy 15-20 balanyń qabiletin anyqtap, tikeleı solarmen durys jumys isteýge múmkindik berse, myqty mamandar mindetti túrde shyǵady ǵoı.
Sonymen qatar mekteptegi keıbir pánderdi jańashalandyrýǵa kúsh salý kerek. Mysaly, ózin ózi taný pániniń deńgeıin kóterip, psıhologııa degen bildeı pán bolýy tıis dep oılaımyn. Sebebi psıhologııalyq turǵyda damyǵan balanyń bolashaǵy jarqyn bolady. Bularǵa qosa bastaýysh synyptan bastap «meniń mamandyǵym» ispetti tegin úıirmelerdi kóptep ashý kerek.
Qazir zamannyń jańashalanyp kele jatqanyna oraı kóp jaqsylyqtan úmittimiz. Ár jeke tulǵa, óziniń qalaýyn tabýy tıis, óziniń mamandyǵyn tapqanda ǵana adam balasy, eliniń bolashaǵyna tikeleı at salysatyn bilikti maman bolady. Osylaı baqytqa keneledi.
Dınara Ahmet,
ál-Farabı atyndaǵy QazUÝ kolledjiniń 3 kýrs stýdenti
