ءبىلىم جانە عىلىم ۆيتسە-ءمينيسترى رۇستەم بيعاري ونلاين-ساباقتارداعى پورنوليكتەر پروبلەماسى قالاي شەشىلەتىنىن ايتتى، - دەپ حابارلايدى Tengrinews.kz تىلشىسى.
ونىڭ ايتۋىنشا، ءبىلىم مينيسترلىگى مۇعالىمدەرگە مىندەتتى اۆتوريزاتسياسى جوق پلاتفورمالاردى پايدالانباۋعا كەڭەس بەرەدى.
"بىزدە شامامەن 13 وتاندىق پلاتفورما بار، ولاردى پايدالانۋ كەزىندە ءۇشىنشى تۇلعالار وقۋ پروتسەسىنە كەدەرگى جاساي المايدى، ويتكەنى ولار مىندەتتى تۇردە اۆتوريزاتسيادان ءوتۋى كەرەك.
سونداي-اق، ZOOM-دا وقۋشىلار كىرگەننەن كەيىن بەينەكونفەرەنتسيانى جابۋعا كومەكتەسەتىن فۋنكتسيا بار ەكەنىن اتاپ وتكىم كەلەدى. بىراق كومپيۋتەرلىك ساۋاتتىلىق جوعارى دەڭگەيدە بولا بەرمەيدى، سوندىقتان وسىنداي جاعدايلار بولادى", - دەدى ۆيتسە-مينيستر.
ەگەر مۇعالىمدەر قاۋىپسىزدىك تالاپتارىن ۇستاناتىن بولسا، ساباققا ەشكىم كەدەرگى كەلتىرە المايدى دەيدى ول.
ء"بىز مۇنداي جاعدايلاردى بولدىرماۋ ءۇشىن بارىنشا كۇش سالامىز. ءبىلىم مينيسترلىگى تاعى دا ءتۇسىندىرۋ جۇمىستارىن جۇرگىزىپ، مۇعالىمدەرگە وقۋ باعدارلامالارىن قالاي پايدالانۋ كەرەگى تۋرالى جادىنامالار بەرىلەدى. بۇعان قوسىمشا ءبىلىم باسقارمالارىنىڭ ۇيلەستىرۋشىلەرى ءار وڭىردە نۇسقاۋلىق وتكىزەدى. ارينە، بىرەۋ تۇسىنبەي قالۋى مۇمكىن، بىراق نەگىزگى پرينتسيپتەردى ساقتاۋ كەرەك", - دەدى ول.
