Bilim jáne ǵylym vıe-mınıstri Rústem Bıǵarı onlaın-sabaqtardaǵy pornolıkter problemasy qalaı sheshiletinin aıtty, - dep habarlaıdy Tengrinews.kz tilshisi.
Onyń aıtýynsha, Bilim mınıstrligi muǵalimderge mindetti avtorızaııasy joq platformalardy paıdalanbaýǵa keńes beredi.
"Bizde shamamen 13 otandyq platforma bar, olardy paıdalaný kezinde úshinshi tulǵalar oqý proesine kedergi jasaı almaıdy, óıtkeni olar mindetti túrde avtorızaııadan ótýi kerek.
Sondaı-aq, ZOOM-da oqýshylar kirgennen keıin beınekonferenııany jabýǵa kómektesetin fýnkııa bar ekenin atap ótkim keledi. Biraq kompıýterlik saýattylyq joǵary deńgeıde bola bermeıdi, sondyqtan osyndaı jaǵdaılar bolady", - dedi vıe-mınıstr.
Eger muǵalimder qaýipsizdik talaptaryn ustanatyn bolsa, sabaqqa eshkim kedergi keltire almaıdy deıdi ol.
"Biz mundaı jaǵdaılardy boldyrmaý úshin barynsha kúsh salamyz. Bilim mınıstrligi taǵy da túsindirý jumystaryn júrgizip, muǵalimderge oqý baǵdarlamalaryn qalaı paıdalaný keregi týraly jadynamalar beriledi. Buǵan qosymsha bilim basqarmalarynyń úılestirýshileri ár óńirde nusqaýlyq ótkizedi. Árıne, bireý túsinbeı qalýy múmkin, biraq negizgi prınıpterdi saqtaý kerek", - dedi ol.
