قر پرەمەر-ءمينيسترىنىڭ ورىنباسارى رومان سكليار ۇكىمەتتىڭ ءباسپاسوز ورتالىعى الاڭىندا وتكەن بريفينگ بارىسىندا مەملەكەت باسشىسىنىڭ 01.09.2020 جىلعى حالىققا ارناعان جولداۋىندا بەرگەن تاپسىرمالارىن ىسكە اسىرۋ جونىندەگى شارالار تۋرالى ايتىپ بەردى، - دەپ حابارلايدى "ادىرنا" ءتىلشىسى primeminister.kz ءباسپاسوز قىزمەتىنە سىلتەمە جاساپ.
مەملەكەت باسشىسى ءوزىنىڭ «جاڭا جاعدايداعى قازاقستان: ءىس-قيمىل كەزەڭى» اتتى حالىققا ارناعان جولداۋىندا ەل ونەركاسىبىن دامىتۋعا جانە ەكونوميكانى ناقتى ارتاراپتاندىرۋعا ەرەكشە نازار اۋداردى.
ر. سكليار اتاپ وتكەندەي، يندۋستريالاندىرۋ باعدارلامالارى اياسىندا وڭدەۋشى سەكتورعا باسا نازار اۋدارۋ دۇرىس شەشىم. بۇل قول جەتكىزىلگەن كورسەتكىشتەرمەن راستالادى.
«الەمدەگى جانە قازاقستانداعى پاندەميامەن بايلانىستى ورىن العان كۇردەلى جاعدايدا دا، 2020 جىلدىڭ 7 ايىندا ونەركاسىپ 3,8% ءوستى. اسىرەسە، فارماتسەۆتيكا 23,2%، ماشينا جاساۋ 13,9%، جەڭىل ونەركاسىپ 7,3% ءوستى»، — دەدى ر. سكليار.
مەملەكەت باسشىسى جولداۋدا وڭدەۋشى ونەركاسىپتەگى ءوندىرىس كولەمىن بەس جىلدا كەمىندە 1,5 ەسەگە ارتتىرۋدى تاپسىردى. ر. سكلياردىڭ ايتۋىنشا، اتالعان ماقساتقا جەتۋ ءۇشىن باسەكەلىك ارتىقشىلىقتار مەن سىرتقى نارىقتاعى ەكسپورتتىق مۇمكىندىكتەردىڭ بىرتىندەپ ارتۋىمەن، ىشكى نارىقتا وڭدەۋ ونەركاسىبىنىڭ يندۋستريالىق الەۋەتىن دامىتۋ بويىنشا شارالار قابىلدانادى.
جىل سوڭىنا دەيىن قوسىلعان قۇنى نەعۇرلىم جوعارى ءونىم ءوندىرۋ ءۇشىن مەتالدار ءوندىرۋ جونىندەگى وتاندىق كاسىپورىندار مەن ولاردى قايتا وڭدەۋشىلەردىڭ ءوزارا ءتيىمدى ىنتىماقتاستىق تەتىگى ازىرلەنەدى.
ينستيتۋتسيونالدىق نەگىزدى ساقتاي وتىرىپ، جۇرگىزىلگەن جۇمىستارعا جۇيەلىك بەرۋ ءۇشىن «ونەركاسىپتىك ساياسات تۋرالى» زاڭ جوباسى بويىنشا جۇمىستار قولعا الىندى. قازىرگى ۋاقىتتا زاڭ جوباسى ازىرلەندى جانە بيزنەس قاۋىمداستىقپەن، سالالىق قاۋىسداستىقتارمەن جانە ونەركاسىپتىك كاسىپورىندارمەن تالقىلانۋدا. زاڭ جوباسىندا قولداۋ شارالارى قۇرالدارىن كەڭەيتۋ، مەملەكەتتەن، كۆازيمەملەكەتتىك سەكتورلاردان جانە جەر قويناۋىن پايدالانۋشىلاردان كەپىلدەندىرىلگەن ساتىپ الۋدى جۇزەگە اسىرۋ شارالارى ەسكەرىلگەن.
ترانزيتتىك تاسىمالداعى پوزيتسيالاردى ساقتاپ قالۋ ءۇشىن قىزمەت كورسەتۋ، تاسىمالداۋدىڭ ساپاسى مەن جىلدامدىعىن ارتتىرۋ بويىنشا جۇمىس جۇرگىزىلىپ جاتىر. وسى ماقساتتا قازاقستاننىڭ كولىك ينفراقۇرىلىمىن ودان ءارى دامىتۋ جۇمىستارى جالعاسادى.
2020 جىلى رەسپۋبليكالىق اۆتوموبيل جولدارى جەلىسىنىڭ 4 مىڭ شاقىرىمىندا قوزعالىس اشىلادى. جاقسى جانە قاناعاتتانارلىق جاعدايداعى اۆتوموبيل جولدارىنىڭ ۇلەسى 90% قۇرايدى. 2025 جىلعا دەيىن رەسپۋبليكالىق اۆتوموبيل جولدارىنىڭ بارلىق 100% (24 مىڭ كم) قالپىنا كەلتىرىلەدى جانە رەكونسترۋكتسيالانادى، سونداي-اق سەرۆيستىك ينفراقۇرىلىمدى قۇرۋ جۇمىستارى اياقتالادى.
كۇتۋ كەزەگىندە تۇرعان 100 مىڭنان استام ادامنىڭ تۇرعىن ءۇي ماسەلەلەرىن شەشۋ ءۇشىن «نۇرلى جەر» مەملەكەتتىك باعدارلاماسىندا شامامەن 90 ملرد تەڭگە سوماسىنا جەكە تۇرعىن ءۇي قورىنداعى جالداۋ اقىسىن سۋبسيديالاۋ مەحانيزمى قاراستىرىلادى (جالداۋ اقىسىنىڭ 80% دەيىنگى مولشەرىندە)
ازاماتتار ءۇشىن ءونىمنىڭ قولجەتىمدىلىگىن قامتاماسىز ەتۋ ءۇشىن «وتباسى» بانكىنىڭ وكىلەتتىكتەرى مەن جاۋاپكەرشىلىگى جالعا الۋعا سۋبسيديا ءبولۋ تۇرعىسىنان كەڭەيتىلەدى.
تۇرعىن ءۇي-كوممۋنالدىق شارۋاشىلىق تۋرالى قابىلدانعان زاڭ اياسىندا قازاقستاندا مەنشىك يەلەرى بىرلەستىكتەرى ينستيتۋتى ەنگىزىلۋدە. بارلىق قاجەتتى نورماتيۆتىك قۇقىقتىق اكتىلەر قابىلدانىپ، بەكىتىلدى.
"ادىرنا" ۇلتتىق پورتالى
