QR Premer-Mınıstriniń orynbasary Roman Sklıar Úkimettiń baspasóz ortalyǵy alańynda ótken brıfıng barysynda Memleket basshysynyń 01.09.2020 jylǵy halyqqa arnaǵan Joldaýynda bergen tapsyrmalaryn iske asyrý jónindegi sharalar týraly aıtyp berdi, - dep habarlaıdy "Adyrna" tilshisi primeminister.kz baspasóz qyzmetine silteme jasap.
Memleket basshysy óziniń «Jańa jaǵdaıdaǵy Qazaqstan: is-qımyl kezeńi» atty halyqqa arnaǵan Joldaýynda el ónerkásibin damytýǵa jáne ekonomıkany naqty ártaraptandyrýǵa erekshe nazar aýdardy.
R. Sklıar atap ótkendeı, ındýstrııalandyrý baǵdarlamalary aıasynda óńdeýshi sektorǵa basa nazar aýdarý durys sheshim. Bul qol jetkizilgen kórsetkishtermen rastalady.
«Álemdegi jáne Qazaqstandaǵy pandemııamen baılanysty oryn alǵan kúrdeli jaǵdaıda da, 2020 jyldyń 7 aıynda ónerkásip 3,8% ósti. Ásirese, farmaevtıka 23,2%, mashına jasaý 13,9%, jeńil ónerkásip 7,3% ósti», — dedi R. Sklıar.
Memleket basshysy Joldaýda óńdeýshi ónerkásiptegi óndiris kólemin bes jylda keminde 1,5 esege arttyrýdy tapsyrdy. R. Sklıardyń aıtýynsha, atalǵan maqsatqa jetý úshin básekelik artyqshylyqtar men syrtqy naryqtaǵy eksporttyq múmkindikterdiń birtindep artýymen, ishki naryqta óńdeý ónerkásibiniń ındýstrııalyq áleýetin damytý boıynsha sharalar qabyldanady.
Jyl sońyna deıin qosylǵan quny neǵurlym joǵary ónim óndirý úshin metaldar óndirý jónindegi otandyq kásiporyndar men olardy qaıta óńdeýshilerdiń ózara tıimdi yntymaqtastyq tetigi ázirlenedi.
Instıtýıonaldyq negizdi saqtaı otyryp, júrgizilgen jumystarǵa júıelik berý úshin «Ónerkásiptik saıasat týraly» zań jobasy boıynsha jumystar qolǵa alyndy. Qazirgi ýaqytta zań jobasy ázirlendi jáne bıznes qaýymdastyqpen, salalyq qaýysdastyqtarmen jáne ónerkásiptik kásiporyndarmen talqylanýda. Zań jobasynda qoldaý sharalary quraldaryn keńeıtý, memleketten, kvazımemlekettik sektorlardan jáne jer qoınaýyn paıdalanýshylardan kepildendirilgen satyp alýdy júzege asyrý sharalary eskerilgen.
Tranzıttik tasymaldaǵy pozıııalardy saqtap qalý úshin qyzmet kórsetý, tasymaldaýdyń sapasy men jyldamdyǵyn arttyrý boıynsha jumys júrgizilip jatyr. Osy maqsatta Qazaqstannyń kólik ınfraqurylymyn odan ári damytý jumystary jalǵasady.
2020 jyly respýblıkalyq avtomobıl joldary jelisiniń 4 myń shaqyrymynda qozǵalys ashylady. Jaqsy jáne qanaǵattanarlyq jaǵdaıdaǵy avtomobıl joldarynyń úlesi 90% quraıdy. 2025 jylǵa deıin respýblıkalyq avtomobıl joldarynyń barlyq 100% (24 myń km) qalpyna keltiriledi jáne rekonstrýkııalanady, sondaı-aq servıstik ınfraqurylymdy qurý jumystary aıaqtalady.
Kútý kezeginde turǵan 100 myńnan astam adamnyń turǵyn úı máselelerin sheshý úshin «Nurly jer» memlekettik baǵdarlamasynda shamamen 90 mlrd teńge somasyna jeke turǵyn úı qoryndaǵy jaldaý aqysyn sýbsıdııalaý mehanızmi qarastyrylady (jaldaý aqysynyń 80% deıingi mólsherinde)
Azamattar úshin ónimniń qoljetimdiligin qamtamasyz etý úshin «Otbasy» bankiniń ókilettikteri men jaýapkershiligi jalǵa alýǵa sýbsıdııa bólý turǵysynan keńeıtiledi.
Turǵyn úı-kommýnaldyq sharýashylyq týraly qabyldanǵan Zań aıasynda Qazaqstanda menshik ıeleri birlestikteri ınstıtýty engizilýde. Barlyq qajetti normatıvtik quqyqtyq aktiler qabyldanyp, bekitildi.
"Adyrna" ulttyq portaly
